O‘zbekiston Respublikasi Sog‘liqni saqlash vazirligi va O‘zbekiston Respublikasi Oliy ta’lim, fan va innovatsiyalar vazirligiga qarashli bo‘lgan tibbiyot oliy ta’lim muassasalaridan biri bo‘lib, Respublika va O‘rta Osiyo mintaqasidagi malakali, chuqur bilimga ega shifokorlarni yetishtirib beruvchi oliy bilim maskani hisoblanadi. Buxoro davlat tibbiyot instituti 1990-yil Vazirlar Mahkamasining qarori bilan tashkil etilgan.

  1991-yil mart oyida institutga buyuk alloma Abu Ali ibn Sino nomi berilgan.

     Hozirgi kunda institutda 8 ta fakultet, 43 ta kafedra, jumladan, 8 ta yo‘nalish bo‘yicha bakalavriat, 23 ta mutaxassislik bo‘yicha magistratura va 40 dan ortiq mutaxassislik va 20 ta qo‘shma dasturlar bo‘yicha klinik ordinatura yo‘nalishlari mavjud.

  Institutda jami 8500 dan ortiq talaba va rezident tahsil oladi. Institutda jami 480 nafar professor-o‘qituvchilar, jumladan, 50 nafar fan doktori, 18 nafar professor, 210 nafar fan nomzodi va dotsent, 100 nafar katta o‘qituvchilar faoliyat ko‘rsatmoqda.

Fakultetlar:

• Tibbiyot fakulteti (Davolash ishi, Pediatriya ishi, Tibbiy pedagogika, Stomatologiya);
• Biotibbiyot fakulteti (Tibbiy profilaktika, Tibbiy biologiya, Xalq tabobati, Oliy hamshiralik ishi, Farmatsiya);
• Xalqaro tibbiyot fakulteti (Xorijiy talabalar);
• Turkiya fakulteti.

   Xalqaro va mahalliy abituriyentlar quyidagi ta’lim yo‘nalishlari bo‘yicha ta’lim olishlari mumkin:

• Davolash ishi – 6 yil;
• Tibbiy-pedagogik ish – 6 yil;
• Pediatriya ishi – 6 yil;
• Stomatologiya – 5 yil;
• Tibbiy profilaktika ishi – 5 yil;
• Tibbiy biologiya ishi – 4 yil;
• Oliy hamshiralik ishi – 3 yil;
• Xalq tabobati – 4 yil;
• MBBS – 5 yil (5+1 amaliyot);
• Farmatsiya – 5 yil. 

    Buxoro davlat tibbiyot institutining quyidagi 3 ta kolleji va 1 ta akademik litseyi mavjud bo‘lib, ularning har biri o‘z talabalarini nazorat qiladi va o‘zining ichki tuzilishi va faoliyatiga ega.

Kollejlar:

Qorako‘l Abu Ali ibn Sino nomidagi jamoat salomatligi texnikumi;

G‘ijduvon tibbiyot kolleji;

Buxoro Abu Ali ibn Sino nomidagi jamoat salomatligi texnikumi.

Akademik litsey:

Buxoro davlat tibbiyot instituti akademik litseyi.

   Buxoro davlat tibbiyot instituti 2023-2024-yillar uchun xalqaro aloqalar geografiyasi.

Kutubxona (ARM)

Buxoro davlat tibbiyot instituti  Axborot-resurs markazining   umumiy fondi   22266 nomda 179180 ta. Shundan:

 o‘quv adabiyotlar 6044-nomda, 90231-sonda;

badiiy adabiyotlar 2319 nomda-24812 sonda;

ilmiy ommabop adabiyotlar 3154 nomda-7798 son;

boshqa turdagi adabiyotlar 10749 nomda 56339 sonda.

Shundan jami tillar bo‘yicha:

Lotin: 451/22883;

Kirill: 5997/82030;

Rus: 7462/62435;

Xorijiy: 412/10500 sondan iborat.

  Axborot resurs markazi kitobxonlik madaniyatini oshirish maqsadida „SMART BOOK shallehce“ QR kodli virtual elektron kutubxonasini  yaratdi. Bu sayt arsenal D xosning orqali alohida sayt bo‘lib, 3000 yaqin adabiyotlari mavjud. ARM Telegram kanalida 4631 ta tibbiyotga oid darslik va o‘quv qo‘llanmalar, Book.bsmi.uzda 2249 taQR kodli tibbiyotga oid darslik va o‘quv qo‘llanmalar joylashtirilgan. 

   Buxoro davlat tibbiyot instituti quyidagi ijtimoiy tarmoqlarda faol faoliyat olib boradi:

• Facebook
• Instagram
• Telegram
• YouTube 

  Mazkur universitet yuzasidan sizda savol va takliflar tug‘ilgan bo‘lsa, quyidagi manzilga va raqamlarga murojaat qilishingiz mumkin:  

• Telefon: 0(365)2230050
• Elektron pochta: buxdti@umail.uz
• Rasmiy sayt: www.bsmi.uz
• Manzil: Buxoro viloyati, Buxoro shahri, Navoiy shoh ko‘chasi, 1- uy, pochta indeksi: 200118

   Bizni kuzatishda davom eting Ta’lim telekanali ta’limdagi eng so‘nggi yangiliklarni har doim siz bilan bo‘lishishga tayyor!  

Ma’mura To‘rayeva tayyorladi