Toshkent kimyo-texnologiya instituti (TKTI) - kimyoviy texnologiya (organik va noorganik moddalar, polimerlar, silikat va qiyin eruvchan materiallar, nodir va kamyob metallar kimyoviy texnologiyasi), oziq-ovqat texnologiyasi, neft va gazni qayta ishlash, ekologiya, biotexnologiya, ekologiya, sellyuloza va yog‘ochga ishlov berish texnologiyasi va boshqa yo‘nalishlar bo‘yicha yuqori malakali mutaxassislar tayyorlashga ixtisoslashgan Markaziy Osiyodagi yetakchi universitetlardan biri hisoblanadi.

Foto: tkti.uz

   Mustaqillikka tengdosh Toshkent kimyo-texnologiya instituti O‘zbekiston Respublikasi Prezidentining 1991-yil 6-maydagi 203-sonli Farmoniga binoan sobiq Toshkent politexnika instituti tarkibidagi kimyoviy texnologiya va muhandislik texnologiyasi fakultetlari negizida tashkil topgan. 

Foto: tkti.uz

    Hozirda institutda quyidagi 5 ta fakultet va 27 ta kafedra mavjud:   

• Yoqilgʻi va organik birikmalar ishlab chiqarish texnologiyalari fakulteti;
• Kimyoviy moddalar texnologiyasi fakulteti;
• Oziq-ovqat mahsulotlari texnologiyasi fakulteti;
• Vinochilik texnologiyasi va sanoat uzumchiligi fakulteti;
• Menejment va kasb-hunar taʼlimi fakulteti.

   Institutda bakalavr, magistrature, doktarantura bosqichlarida quyidagi mutaxassisliklari bo‘yicha kadrlar tayyorlab kelmoqda. 

Foto: tkti.uz

   Toshkent kimyo-texnologiya institutida 3755 o‘ringa mo‘ljallangan 4  ta o‘quv binosi, 1 ta 840 o‘rinli talabalar turar joyi, 3 ta talabalar oshxonasi, 2 ta bufet va 3 ta ochiq turdagi sport maydonchasi hamda 2 ta sport zal mavjud. Talabalar turarlar joylari soni 2 ta bo‘lib, Toshkent shahar Mirzo Ulug‘bek tumani Olmachi ko‘chasi 3-uyda joylashgan. Ushbu TTJ 1972-yilda qurilgan. 2014-yilda kapital ta’mirdan chiqarilgan. 

Foto: tkti.uz

    Institut matbuot kotibi Egamnazar Abdulboqiyevning bizga bergan ma’lumotlariga ko‘ra talabalar bo‘sh vaqtlarini mazmunli o‘tkazishlari uchun  TTJda ingliz tili va rus tili fanlaridan, talaba-qizlar uchun tikish-bichish bo‘yicha to‘garaklari faoliyat yuritadi. Talabalar turar joyida Prezidentimiz tomonidan ilgari surilgan 5 ta muhim tashabbus xonalari tashkil qilinib, 8000 000 so‘m mablag‘ga ko‘rgazmali stendlar, 5200000 so‘m mablag‘ga musiqiy cholg‘u asboblari (dutor, rubob, doira, pianino) va 3 500 000 so‘mga maxsus javon xarid qilingan. Bugungi kunda jami 8648 nafar talabalarga 366 nafar professor-o‘qituvchilar ta’lim tarbiya berib kelmoqda.

Foto: tkti.uz

      Institut o‘tgan davr ichida kimyo, oziq-ovqat, neft-gaz, qurilish materiallari va iqtisodiyotning boshqa tarmoqlariga 10 mingdan ziyod yuqori malakali muhandis-texnologlar, ta’lim yo‘nalishlari bo‘yicha mingdan ortiq bakalavr va 30 ga yaqin mutaxassisliklar bo‘yicha magistrlar tayyorlab berdi. Shuningdek, kafedra va ilmiy- tadqiqot laboratoriyalarida bajarilgan katta hajmdagi izlanishlar natijalariga ko‘ra 50 dan ortiq fan doktorlari va 150 nafar fan nomzodlari tayyorlandi. Institutda tahsil olgan mutaxassislar respublikamizning hamda ayrim MDH davlatlarining ko‘plab hukumat tashkilotlarida va ishlab chiqarishning barcha tarmoqlarida mas’uliyatli lavozimlarda samarali faoliyat ko‘rsatib kelyaptilar. Hozirgi kunda TKTI (Toshkent kimyo-texnologiya instituti) Respublikamiz oliy ta’lim tizimida malakali kadrlar tayyorlab beruvchi yirik tayanch oliy o‘quv yurtlaridan biri bo‘lib hisoblanadi.

Foto: tkti.uz

   Bu oliy ta’lim dargohini tugatgan talaba-yoshlarning ish bilan ta’minlanish darajasi 90% dan ortiq.

   Bugungi kunda institutni tamomlayotgan bitiruvchilarga quyidagi korxona va tashkilotlar buyurtmachi hisoblanadi: 

• «O‘zkimyosanoat» AJ;
• «O‘zbekneftgaz» AJ;
• «O‘zstandart» agentligi;
• Tabiat resurslari vazirligi qoshidagi boshqarmalar;
• Sho‘rtan gaz kimyo majmuasi MCHJ;
• Uzbekistan GTL MCHJ;
• Qo‘ng‘irot soda zavodi UK;
• Maksam Chirchiq AJ;
• Dehqonobod kaliyli o‘g‘itlar zavodi UK;
• «Sho‘rtanneftegaz» MCHJ;      
• "Jarqo‘rg‘on neftni qayta ishlash" QK;
• Ustyurt gaz-kimyo majmuasi;
• Buxoro neftni qayta ishlash zavodi;
• «Muborak gazni qayta ishlash» MCHJ;
• Farg‘ona neftni qayta ishlash zavodi;
• ARTEL kompaniyasi;
•  Birinchi rezinotexnika zavodi;
•  O‘zsanoatqurilishmateriallari uyushmasi;
• "ASL OYNA". 

Foto: tkti.uz

  Hozirda institutning quyidagi filiallari mavjud:

• Toshkent kimyo-texnologiya institutining Shahrisabz filiali;
• Toshkent kimyo-texnologiya institutining Yangiyer filiali.

Foto: tkti.uz

     Toshkent kimyo-texnologiya instituti bir qator xorijiy oliy o‘quv yurtlari bilan aloqa o‘rnatgan. Jumladan, AQSH ning Missisipi universiteti, Italiyaning Materiallar strukturasi instituti, Ispaniyaning Kantabria universiteti, Bolgariyaning Sofiya kimyo-texnologiya va metallurgiya universiteti, D.I.Mendeleyev nomli Rossiya kimyo-texnologiya universiteti, Rossiya neft va gaz universiteti, Qozon milliy tadqiqot texnologik universiteti, Moskva Texnologik Universiteti, Ivanovo Davlat kimyo-texnologiya universiteti, Qozog‘istonning M.Avezov nomli Janubiy Qozog‘iston davlat universiteti.

Foto: tkti.uz

    O‘tgan yili “Oziq-ovqat sanoati mashina va jihozlari” bakalavriat ta’lim yo‘nalishining  20 nafar 3 kurs talabalari Belorusiya davlat texnologiya universiteti bazasida ishlab chiqarish amaliyotini o‘tashdi.

  Toshkent kimyo-texnologiya instituti quyidagi ijtimoiy tarmoqlarda faol faoliyat olib boradi. 

• Instagram
• Telegram 
• Linkedin
• Facebook
• You tube 

Foto: tkti.uz

    Mazkur universitet yuzasidan sizda savol va takliflar tug‘ilgan bo‘lsa, quyidagi manzilga va raqamlarga murojaat qilishingiz mumkin: 

• Telefon: +998712447917
• Elektron pochta: info@tkti.uz
• Rasmiy sayt: tkti.uz
• Telegram: @tktiuz
• Manzil: Toshkent shahri, Shayxontohur tumani, Navoiy shoh ko‘chasi, 32- uy, pochta indeksi: 100011

   Bizni kuzatishda davom eting Ta’lim telekanali ta’limdagi eng so‘nggi yangiliklarni har doim siz bilan bo‘lishishga tayyor!  

                                                      Ma’mura To‘rayeva tayyorladi