Ўзбекистон журналистика ва оммавий коммуникациялар университети 2018 йил 24 майда Ўзбекистон Республикаси Президентининг ПҚ-3737 сон қарори билан ташкил этилган. ЎзЖОКУ (Ўзбекистон журналистика ва оммавий коммуникациялар университети)да умумий профессор - ўқитувчилар сони 208 нафар, шулардан 4 нафар профессор, 24 нафар доцент, 4 нафар фан доктори, 12 нафар фан номзоди, 13 нафарни PhD  ташкил этади. Университетда 9 та кафедра ва қуйидаги факультетлар мавжуд:

• Халқаро муносабатлар ва ижтимоий-сиёсий фанлар факультети;
•  Босма ва оммавий ахборот воситалари ва ноширлик иши фаолияти;
• Халқаро ва аудиовизуал журналистика факультети;
• Интернет журналистикаси ва медиамежмент факультети. 

 ЎзЖОКУ бакалавр, магистратура босқичларида қуйидаги йўналишларда ва мутахассислар тайёрлайди:

Бакалавриат:

Кундузги:

•  Ахборот хизмати ва жамоатчилик билан алоқалар;
• Дизайн: (Медиадизайн);
• Журналистика: (Босма ОАВ журналистикаси);
• Журналистика: (Ҳарбий журналистика);
• Журналистика: (Интернет журналистика);
• Журналистика: (Иқтисодий журналистикаси);
• Журналистика: (Санъат журналистикаси);
• Журналистика: (Саёҳат журналистикаси);
• Журналистика: (Спорт журналистикаси);
• Журналистика: (Телерадио журналистикаси);
• Журналистика: (Халқаро журналистика);
• Маркетинг (Медиамаркетинг ва реклама);
• Менежмент (Медиаменежмент);
• Психология: (Амалий Психология);
• Сиёсатшунослик;
• Социология;
• Халқаро муносабатлар.

Сиртқи:

• Ахборот хизмати ва жамоатчилик билан алоқалар;
• Журналистика: (Босма ОАВ журналистикаси);
• Журналистика: (Ҳарбий журналистика);
• Журналистика: (Интернет журналистика);
• Журналистика: (Иқтисодий журналистикаси);
• Журналистика: (Санъат журналистикаси);
• Журналистика: (Саёҳат журналистикаси);
• Журналистика: (Спорт журналистикаси);
• Журналистика: (Телерадио журналистикаси);
• Журналистика: (Халқаро журналистика);
• Маркетинг (Медиамаркетинг ва реклама);
• Менежмент (Медиаменежмент);
• Психология: (Амалий Психология);
• Социология. 

Кечки:

• Ахборот хизмати ва жамоатчилик билан алоқалар;
• Дизайн: (Медиадизайн);
• Журналистика: (Босма ОАВ журналистикаси);
• Журналистика: (Интернет журналистика);
• Журналистика: (Спорт журналистикаси);
• Журналистика: (Телерадио журналистикаси);
• Журналистика: (Халқаро журналистика). 

Магистратура:

• Дизайн (медиадизайн);
• Ноширлик иши ва муҳаррирлик;
• Амалий сиёсатшунослик;
• Халқаро муносабатлар ва жаҳон сиёсати;
• Журналистика;
• Телевидение ва радиоэшиттириш;
• Ахборот хизмати ва жамоатчилик билан алоқалар;
• Менежмент;
• PR менежмент ва PR таҳлил;
• Маркетинг.

  Университет ҳозирда йўналишлар бўйича фақатгина журналистларни тайёрлаб қолмай, медиадизайнер, медиамаркетолог, PR менежерлар ҳамда ахборот хизматлари учун ҳам кадрлар тайёрламоқда.

   Бугунги кунда ЎзЖОКУда Ахборот-ресурс маркази, Ахборот технологиялари маркази, журналистика тарихи музейи, телерадио студия, фотолаборатория ва талабалар пресс клуби coworking маркази фаолият юритади. Бундан ташқари университет дунёнинг ривожланган мамлакатларидаги етакчи университет ва илмий марказлари билан халқаро алоқалар ўрнатган.

     Ўзбекистон Журналистика ва Оммавий Коммуникациялар Университети учун контракт нархлари танланган йўналиш ва таълим шаклига боғлиқ ҳолда фарқланади. 2024-2025 ўқув йилида базавий контракт нархи давлат томонидан белгиланган қийматларга мослаштирилган. Бундан ташқари, табақалаштирилган ёки "супер-контракт" тизими орқали имтиҳон натижалари ўтиш баллига етмаган талабалар ҳам таълим олиш имконига эга бўлади. Агар аниқ йўналиш ва контракт тури бўйича батафсил маълумот керак бўлса, ушбу университетга мурожаат қилиш ёки kontrakt.edu.uz орқали танишиб чиқишингиз мумкин.                      Кучли журналист ёки нотиқ бўлмоқчимисиз? Унда айнан ЎзЖОКУ сиз кутган билимни бера оладиган маскан. Муҳими қаерда ва қандай ўқиш эмас, муҳими ҳаракатдан тўхтамаслик…!

Мазкур университет юзасидан сизда савол ва таклифлар туғилган бўлса, қуйидаги манзилга ва рақамларга мурожаат қилишингиз мумкин:

• Телефон: +998 71 2070906
• Электрон почта: info@uzjoku.uz
• Расмий сайт: www.uzjoku.uz
• Телеграм: @uzjmcu
• Манзил: Ўзбекистон Республикаси, Тошкент шаҳри, Марказ -5, 88-уй

   Сиз ўзингизни қизиқтирган олий таълим муассасаси ҳақида оз бўлса-да маълумот бера олдик деган умиддамиз. Бизни кузатишда давом этинг Таълим телеканали таълимдаги энг сўнгги янгиликларни ҳар доим сиз билан бўлишишга тайёр! 

​​​​​​​Маъмура Тўраева тайёрлади