Ўзбекистон Республикаси Президентининг 2017 йил 20 апрелдаги “Олий таълим тизимини янада ривожлантириш чора-тадбирлари тўғрисида”ги ПҚ-2909-сонли ҳамда 2018 йил 5 июндаги “Олий таълим муассасаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича қўшимча чора-тадбирлар тўғрисида”ги ПҚ-3775-сонли қарорларида белгиланган вазифалар ижросини таъминлаш, туман ва қишлоқлардаги таълим муассасаларининг олий маълумотли малакали педагог кадрларга бўлган эҳтиёжини қондириш мақсадида Ўзбекистон Республикаси Вазирлар Маҳкамасининг 2019 йил 11 июнь 488- сон қарори асосида Қашқадарё вилояти Шаҳрисабз шаҳрида Низомий номидаги Тошкент давлат педагогика университетининг Шаҳрисабз филиали ташкил этилди.

  Шаҳрисабз давлат педагогика институти Ўзбекистон Республикаси Президенти Ш.М.Мирзиёев 2022 йил 24 июнь куни имзолаган “Педагогик таълим сифатини ошириш ва педагог кадрлар тайёрловчи олий таълим муассасалари фаолиятини янада ривожлантириш чора-тадбирлари тўғрисида”ги қарорига мувофиқ, мустақил институт сифатида ташкил этилди.

  Бугунги кунда Шаҳрисабз давлат педагогика институтида қуйидаги 3 та факультет фаолият юритади:

• Тиллар факультети;
• Ижтимоий фанлар факультети;
• Педагогика факультети.

    2024-2025 ўқув йилда бакалавриат кундузги шаклида 17 та таълим йўналишида 4591 нафар, сиртқида 11 та таълим йўналишида 4509 нафар, 17 та кечки таълим йўналишида 251 нафар, магистратурада 11 та мутахассислигида 189 нафар, қўшма магистратура таълимда 5 нафар жами 9541 нафар талабалар таҳсил олмоқда.

 Ҳозирда институтда бакалавр ва магистратура босқичларда қуйидаги йўналишларда мутахассислар тайёрлайди:

Бакалавр йўналишлари:

1. Педагогика;

2. Мактабгача таълим;

3. Бошланғич таълим;

4. Тасвирий санъат ва муҳандислик графикаси;

5. Мусиқа таълими;

6. Ўзбек тили ва адабиёти;

7. Она тили ва адабиёти: рус тили;

8. Хорижий тил ва адабиёти: инглиз тили;

9. География;

10. Технологик таълим;

11.Миллий ғоя, маънавият асослари ва ҳуқуқ таълими;

12. Тарих;

13. Психология;

14. Биология;

15. Физика;

16. Математика;

17. Амалий математика.

Сиртқи таълим шакли йўналишлари:

1. Бошланғич таълим;

2. Жисмоний маданият;

3. Педагогика ва психология;

4. Педагогика;

5.  Мусиқа таълим;

6. Тасвирий санъат ва муҳандислик графикаси;;

7. Технологик таълим;

8. Мактабгача таълим;

9. Тарих;

10. Математика ва информатика;

11. Биология;

12. Ўзбек тили ва адабиёти;

13. География ва иқтисодий билим асослари;

14. Миллий ғоя,ма‘навият асослари ва ҳуқуқ та‘лими;

15. Психология.

Кечки таълим йўналишлари:

1. Педагогика;

2. Ўзбек тили ва адабиёти;

3.  Она тили ва адабиёти: рус тили;

4.  Хорижий тил ва адабиёти: инглиз тили;

5.  География;

6.  Психология;

7.  Тарих.

Магистратура йўналишлари:

1. Таълим ва тарбия назарияси ва методикаси (мактабгача таълим);

2. Педагогик назарияси ва тарихи (фаолият турлари бўйича);

3. Ижтимоий-гуманитар фанларини ўқитиш методикаси (тарих);

4. Таълим ва тарбия назарияси ва методикаси (бошланғич таълим);

5. Ижтимоий-гуманитар фанларини ўқитиш методикаси (маънавият асослари);

6. Аниқ ва табиий фанларини ўқитиш методикаси (математика);

7.  Ўзбек тили ва адабиёти;

8.  Ўзга тилли гуруҳларда рус тили;

9. Таълим ва тарбия назарияси ва методикаси (технологик таълим).

   Институтда бугунги кунда 9 нафар фан доктори, 41 нафар фан номзоди ва фалсафа доктори фаолият олиб бормоқда. 2024 йил давомида жами 14 та илмий иш ҳимоялари амалга оширилиб, ўқитувчилардан 12 нафари фалсафа доктори, 2 нафари фан доктори даражасига эга бўлган. Шу билан бирга, Scopus маълумотлар базасида институтнинг аффилятсияси шакллантирилиб, бугунги кунга келиб, ушбу базада индексацияланган журналларда чоп этилган мақолалар сони 80 тага етди.

  Талабаларнинг назарий билимларини амалиётда қўллаш мақсадида 2 та биология ва физика фанларидан лаборатория хоналари мавжуд.  Бўлиб, замонавий ускуналар билан таъминланган.

  Институт АҚШ, Германия, Қозоғистон, Россия (Қозон Федерал Университети), Туркия, Украина ва Тожикистон каби мамлакатлари билан таълим ва илмий тадқиқот соҳасида ҳамкорлик шартномалари ва алмашинув меморандумлари имзолаган.

    Шаҳрисабз давлат педагогика институти қуйидаги фаол фаолият олиб боради:

• Telegram
• Facebook
• Instagram
• You tube
• Расмий сайт

   Агар сизда қўшимча савол ва таклифлар бўлса, қуйидаги манзилга ва рақамларга мурожаат қилишингиз мумкин:

• Телефон: (75) 522-48-71;
• Электрон почта info@shdpi.uz;
• Манзил:Қашқадарё вилояти, Шаҳрисабз шаҳри, Шаҳрисабз кўчаси, 10 уй.

    Бизни кузатишда давом этинг Таълим телеканали таълимдаги энг сўнгги янгиликларни ҳар доим сиз билан бўлишишга тайёр!

Маъмура Тўраева тайёрлади