Тошкент кимё-технология институти (ТКТИ) - кимёвий технология (органик ва ноорганик моддалар, полимерлар, силикат ва қийин эрувчан материаллар, нодир ва камёб металлар кимёвий технологияси), озиқ-овқат технологияси, нефть ва газни қайта ишлаш, экология, биотехнология, экология, целлюлоза ва ёғочга ишлов бериш технологияси ва бошқа йўналишлар бўйича юқори малакали мутахассислар тайёрлашга ихтисослашган Марказий Осиёдаги етакчи университетлардан бири ҳисобланади.

Фото: tkti.uz

    Мустақилликка тенгдош Тошкент кимё-технология институти Ўзбекистон Республикаси Президентининг 1991 йил 6 майдаги 203-сонли Фармонига биноан собиқ Тошкент политехника институти таркибидаги кимёвий технология ва муҳандислик технологияси факультетлари негизида ташкил топган.

Фото: tkti.uz

    Ҳозирда институтда қуйидаги 5 та факультет ва 27 та кафедра мавжуд.

  Ёқилғи ва органик бирикмалар ишлаб чиқариш технологиялари факультети;

• Кимёвий моддалар технологияси факультети;
• Озиқ-овқат маҳсулотлари технологияси факультети;
• Виночилик технологияси ва саноат узумчилиги факультети;
• Менежмент ва касб-ҳунар таълими факультети.

  Институтда бакалавр, магистратуре, доктарантура босқичларида қуйидаги мутахассисликлари бўйича кадрлар тайёрлаб келмоқда.

Фото: tkti.uz

  Тошкент кимё-технология институтида 3755 ўринга мўлжалланган 4  та ўқув биноси, 1 та 840 ўринли талабалар турар жойи, 3 та талабалар ошхонаси, 2 та буфет ва 3 та очиқ турдаги спорт майдончаси ҳамда 2 та спорт зал мавжуд. Талабалар турарлар жойлари сони 2 та бўлиб, Тошкент шаҳар Мирзо Улуғбек тумани Олмачи кўчаси 3-уйда жойлашган. Ушбу ТТЖ 1972 йилда қурилган. 2014 йилда капитал таъмирдан чиқарилган.

Фото: tkti.uz

   Институт матбуот котиби Эгамназар Абдулбоқиевнинг бизга берган маълумотларига кўра талабалар бўш вақтларини мазмунли ўтказишлари учун  ТТЖда инглиз тили ва рус тили фанларидан, талаба-қизлар учун тикиш-бичиш бўйича тўгараклари фаолият юритади. Талабалар турар жойида Президентимиз томонидан илгари сурилган 5 та муҳим ташаббус хоналари ташкил қилиниб, 8000 000 сўм маблаққа кўргазмали стендлар, 5200000 сўм маблаққа мусиқий чолғу асбоблари (дутор, рубоб, доира, пианино) ва 3 500 000 сўмга махсус жавон харид қилинган. Бугунги кунда жами 8648 нафар талабаларга 366 нафар профессор-ўқитувчилар таълим тарбия бериб келмоқда.

Фото: tkti.uz

   Институт ўтган давр ичида кимё, озиқ-овқат, нефть-газ, қурилиш материаллари ва иқтисодиётнинг бошқа тармоқларига 10 мингдан зиёд юқори малакали муҳандис-технологлар, таълим йўналишлари бўйича мингдан ортиқ бакалавр ва 30 га яқин мутахассисликлар бўйича магистрлар тайёрлаб берди. Шунингдек, кафедра ва илмий- тадқиқот лабораторияларида бажарилган катта ҳажмдаги изланишлар натижаларига кўра 50 дан ортиқ фан докторлари ва 150 нафар фан номзодлари тайёрланди. Институтда таҳсил олган мутахассислар республикамизнинг ҳамда айрим МДҲ давлатларининг кўплаб ҳукумат ташкилотларида ва ишлаб чиқаришнинг барча тармоқларида масъулиятли лавозимларда самарали фаолият кўрсатиб келяптилар. Ҳозирги кунда ТКТИ (Тошкент кимё-технология институти) Республикамиз олий таълим тизимида малакали кадрлар тайёрлаб берувчи йирик таянч олий ўқув юртларидан бири бўлиб ҳисобланади.

Фото: tkti.uz

   Бу олий таълим даргоҳини тугатган талаба-ёшларнинг иш билан таъминланиш даражаси 90% дан ортиқ.

   Бугунги кунда институтни тамомлаётган битирувчиларга қуйидаги корхона ва ташкилотлар буюртмачи ҳисобланади:

• «Ўзкимёсаноат» АЖ;
• «Ўзбекнефтгаз» АЖ;
• «Ўзстандарт» агентлиги;
• Табиат ресурслари вазирлиги қошидаги бошқармалар;
• Шўртан газ кимё мажмуаси МЧЖ;
• Uzbekistan GTL МЧЖ;
• Қўнғирот сода заводи УК;
• Максам Чирчиқ АЖ;
• Деҳқонобод калийли ўғитлар заводи УК;
• «Шўртаннефтегаз» МЧЖ;
• "Жарқўрғон нефтни қайта ишлаш" ҚК;
• Устюрт газ-кимё мажмуаси;
• Бухоро нефтни қайта ишлаш заводи;
• «Муборак газни қайта ишлаш» МЧЖ;
• Фарғона нефтни қайта ишлаш заводи;
• ARTEL компанияси;
• Биринчи резинотехника заводи;
• Ўзсаноатқурилишматериаллари уюшмаси;
• "ASL OYNA".

Фото: tkti.uz

Ҳозирда институтнинг қуйидаги филиаллари мавжуд:

• Тошкент кимё-технология институтининг Шаҳрисабз филиали;
• Тошкент кимё-технология институтининг Янгиер филиали.

Фото: tkti.uz

   Тошкент кимё-технология институти бир қатор хорижий олий ўқув юртлари билан алоқа ўрнатган. Жумладан, АҚШ нинг Миссисипи университети, Италиянинг Материаллар структураси институти, Испаниянинг Кантабриа университети, Болгариянинг София кимё-технология ва металлургия университети, Д.И.Менделеев номли Россия кимё-технология университети, Россия нефть ва газ университети, Қозон миллий тадқиқот технологик университети, Москва Технологик Университети, Иваново Давлат кимё-технология университети, Қозоғистоннинг М.Авезов номли Жанубий Қозоғистон давлат университети.

Фото: tkti.uz

   Ўтган йили “Озиқ-овқат саноати машина ва жиҳозлари” бакалавриат таълим йўналишининг  20 нафар 3 курс талабалари Белорусия давлат технология университети базасида ишлаб чиқариш амалиётини ўташди.

  Тошкент кимё-технология институти қуйидаги ижтимоий тармоқларда фаол фаолият олиб боради.

• Instagram
• Telegram
• Линкедин
• Facebook
• You tube

Фото: tkti.uz

  Мазкур университет юзасидан сизда савол ва таклифлар туғилган бўлса, қуйидаги манзилга ва рақамларга мурожаат қилишингиз мумкин:

• Телефон: +998712447917
• Электрон почта: info@tkti.uz
• Расмий сайт: tkti.uz
• Телеграм: @tktiuz
• Манзил: Тошкент шаҳри, Шайхонтоҳур тумани, Навоий шоҳ кўчаси, 32- уй, почта индекси: 100011

    Бизни кузатишда давом этинг Таълим телеканали таълимдаги энг сўнгги янгиликларни ҳар доим сиз билан бўлишишга тайёр!

Маъмура Тўраева тайёрлади