Toshkent davlat texnika universiteti

Toshkent davlat texnika universiteti (TDTU) O‘zbekistonda aviatsiya, geologiya, mashinasozlik, energetika, elektrotexnika va avtomatlashtirish yo‘nalishlari bo‘yicha kadrlar tayyorlaydigan Markaziy Osiyodagi eng yirik texnika oliy o‘quv yurtlaridan biridir. Universitet Toshkent shahrida joylashgan bo‘lib, bakalavriat va magistratura bosqichlarida keng yo‘nalishlar bo‘yicha mutaxassislar tayyorlaydi.

Tarixi

Universitetning ildizlari 1918-yilda tashkil topgan Turkiston xalq universitetining «Texnika» fakultetiga borib taqaladi. Toshkent texnika universiteti 1991-yilda Toshkent politexnika instituti va Toshkent mashinasozlik institutining birlashtirilishi asosida vujudga kelgan. 1991-yil 27-iyunda universitetga Abu Rayhon Beruniy nomi berilgan, 2017-yil 23-iyunda esa Toshkent davlat texnika universitetiga Islom Karimov nomi berilgan.

Fakultetlar va yo‘nalishlar

Universitetda 8 ta fakultet faoliyat yuritadi: neft va gaz; muhandislik texnologiyalari; geologiya-qidiruv va kon-metallurgiya ishi; mashinasozlik; elektronika va avtomatika; elektr energetika; issiqlik energetikasi; mexanika fakultetlari. 2026-yil qabulida talabalar 35 ta yo‘nalish bo‘yicha qabul qilinadi. Yo‘nalishlarning to‘liq ro‘yxati sahifadagi jadvalda keltirilgan.

Nima uchun tanlash kerak

Universitetda zamonaviy o‘quv binolari, o‘quv va ilmiy laboratoriyalar, yotoqxonalar hamda kuchli tajriba bazasi mavjud. Shuningdek, universitetgacha bo‘lgan tayyorgarlik va oliy ta’limdan keyingi ta’lim tarmog‘i faoliyat yuritadi. Universitetda 5 ta ixtisoslashgan kengash mavjud bo‘lib, ularda doktorlik dissertatsiyalari himoya qilinadi.

Universitet Rossiya, Belarussiya, Xitoy va Koreya Respublikasining bir qancha oliy ta’lim muassasalari bilan talabalarni almashib o‘qitish bo‘yicha qo‘shma dasturlar tuzgan. Hamkor muassasalar qatorida Kuzbass davlat texnika universiteti, Belorus davlat texnologiyalari universiteti, Belarus Milliy texnika universiteti, «MEI» milliy tadqiqot universiteti, Don davlat texnika universiteti, North China University of Texnology va Chungnam milliy universiteti bor.

Universitetning Qo‘qon, Olmaliq, Termiz va Nukus shaharlarida filiallari mavjud. Universitetni Hojiakbar Shayxov, Shukrullo Yo‘ldoshov, Ulug‘bek Inoyatov, Habibulla Akbarov, Nasriddin Abrorovich Sirojiddinov va Sherzod Shermatov kabi jamiyat rivojiga hissa qo‘shayotgan mashhur insonlar tamomlagan.