Respublikamiz janubiy mintaqa ta’lim bozorida yetakchi o‘ringa ega, ta’lim va tadqiqotga global yondashuvni qo‘llab-quvvatlovchi O‘zbekistondagi eng yirik va yetakchi universitetlardan biri Qarshi davlat universiteti (QarDU) hisoblanadi. Universitet ko‘p bosqichli ta’lim tizimida faoliyat ko‘rsatadigan ko‘p tarmoqli Oliy ta’lim muassasalaridan biridir.

   Universitet 1945-yil 1-sentyabrda Buxoro birlashgan pedagogika va o‘qituvchilar institutining Qarshi filiali sifatida o‘z faoliyatini boshlagan. 1992-yil 15-martda Prezident Qarori bilan Qarshi davlat universiteti maqomi berilgan. Ta’lim muassasasida shu davr mobaynida mamlakatdagi turli soha tarmoqlari uchun 70 ming nafardan ortiq malakali kadrlar tayyorladi.

   Hozirgi kunda universitetda 13 ta fakultet, 45 ta kafedra 6 ta ilmiy Kengash, 1 ta ilmiy markaz, 9 ta ilmiy laboratoriya va 25 ta o‘quv laboratoriya mavjud, bo‘lib, 65 ta bakalavriat, 26 ta magistratura va 27 ta doktorantura ixtisosliklari bor.

   Universitetdagi 13 ta fakultetga quyidagilar kiradi: 

• Matematika va kompyuter ilmlari fakulteti;
• Kimyo-biologiya fakulteti;
• San’atshunoslik fakulteti;
• Sport fakulteti;
• Filologiya fakulteti;
• Tarix fakulteti;
• Pedagogika fakulteti;
• Xalqaro ta’lim dasturlari fakulteti;
• Fizika fakulteti;
• Geografiya va agronomiya fakulteti;
• Tibbiyot fakulteti;
• Iqtisodiyot fakulteti;
• Xorijiy tillar fakulteti.

    Qarshi davlat universitet faoliyati G.Xudoyberganov, M. Ochilov, O. Jo‘raqulov, B. Aminov, Sh. Qurbonov, B. Hayriddinov, A.Vardiyashvilli, S.Mustafoyev, D. To‘rayev, P. Ravshanov, B.Yo‘ldoshev, A. Jabborov va boshqa professor o‘qituvchilar nomi bilan bog‘liq.

  Ish beruvchilarning fikriga ko‘ra, Qarshi davlat universiteti O‘zbekistonning eng yaxshi oliy ta’lim muassasalari TOP-30 taligiga kiritilgan. Qarshi davlat universitetining korporativ mijozlari orasida “Sho‘rtan gaz-kimyo majmuasi” MChJ, “Muborak gazni qayta ishlash zavodi”, “Dehqonobod kaliy zavodi” AJ, Qashqadaryo viloyati xalq ta’limi boshqarmasi, Qashqadaryo viloyati maktabgacha ta’lim boshqarmasi, “Qarshi Agroklaster” MChJ boshqa taniqli korxonalari bor. QarDU xalqaro dasturlari Rossiya, Belorus, Germaniya, Niderlandiya, Fransiya, Buyuk Britaniya va AQSh universitetlari va biznes maktablari bilan doimiy hamkorlikni yo‘lga qo‘ygan.

  Yangi 2024-2025 o‘quv yilida Qarshi davlat universiteti bakalavriat va  magistratura bosqichida quyidagi yo‘nalishlarda mutaxassislar tayyorlaydi:

Bakalavriat: 

• Amaliy matematika;
• Amaliy matematika;
• Amaliy matematika;
• Matematika;
• Kompyuter ilmlari va dasturlash texnologiyalari (yo‘nalishlar bo‘yicha);
• Matematika va informatika;
• Kimyo (turlari bo‘yicha);
• Biologiya (turlari bo‘yicha);
• Biotexnologiya (tarmoqlar bo‘yicha);
• Filologiya va tillarni o‘qitish (ingliz tili);
• Filologiya va tillarni o‘qitish (nemis tili);
• Filologiya va tillarni o‘qitish (fransuz tili);
• Tarix (mamlakatlar va yo‘nalishlar bo‘yicha);
• Psixologiya (amaliy psixologiya);
• Mehnat muhofazasi va texnika xavfsizligi (tarmoqlar bo‘yicha);
• Amaliy filologiya;
• Filologiya va tillarni o‘qitish (o‘zbek tili);
• Kutubxona-axborot faoliyati (faoliyat turlari bo‘yicha);
• Filologiya va tillarni o‘qitish (rus tili);
• Folklorshunoslik va shevashunoslik;
• Matnshunoslik va adabiy manbashunoslik: o‘zbek tili;
• Dizayn: libos va gazlamalar;
• Sport faoliyati: Kurash;
• Sport faoliyati: Futbol;
• Sport faoliyati: Voleybol;
• Sport faoliyati: Yengil atletika;
• Fizika;
• Muqobil energiya manbalari (turlari bo‘yicha);
• Yengil sanoat buyumlari konstruksiyasini ishlash va texnologiyasi (tikuv buyumlari texnologiyasi);
• Transport logistikasi (transport turlari bo‘yicha);
• Meva-sabzavotchilik va uzumchilik;
• Issiqxona xo‘jaligini tashkil etish va yuritish;
• Agrokimyo va agrotuproqshunoslik;
• Ekologiya va atrof-muhit muhofazasi (tarmoqlar va sohalar bo‘yicha);
• Geografiya;
• Boshlang‘ich ta’lim;
• Maktabgacha ta’lim;
• Texnologik ta’lim;
• Musiqa ta’limi;
• Tasviriy san’at va muhandislik grafikasi;
• Rangtasvir: dastgohli;
• Iqtisodiyot (tarmoqlar va sohalar bo‘yicha);
• Marketing (tarmoqlar va sohalar bo‘yicha);
• Inson resurslarini boshqarish;
• Turizm (faoliyat yo‘nalishlari bo‘yicha);
• Savdo ishi (turlari bo‘yicha);
• Mehmonxona xo‘jaligini tashkil etish va boshqarish;
• Moliya va moliyaviy texnologiyalar;
• Arxitektura (turlari bo‘yicha);
• Davolash ishi;
• Pediatriya ishi;
• Antropologiya va etnologiya;
• Tarjima nazariyasi va amaliyoti: ingliz tili;
• Sotsiologiya;
• Mexanika va matematik modellashtirish;
• Axborot tizimlari va texnologiyalari;
• Dasturiy injiniring;
• O‘simliklar himoyasi va karantini;
• Energetika muhandisligi.

Jami: (59 ta)

Magistratura:

• Lingvistika (o‘zbek tili);
• Lingvistika (rus tili);
• Lingvistika (ingliz tili);
• Lingvistika (fransuz tili);
• Adabiyotshunoslik: o‘zbek adabiyoti;
• -Matnshunoslik va adabiy manbashunoslik: o‘zbek tili;
• Matematika;
• Fizika;
• Amaliy matematika;
• Axborot tizimlari;                          
• Kimyo;
• Biologiya;
• Geografiya;
• Iqtisodiyot;  
• Inson resurslarini boshqarish;             
• Turizm va mehmondo‘stlik;
• Mikrobiologiya;
• Tuproqshunoslik;
• Ekologiya;
• Psixologiya;
• Tarix;
• Qayta tiklanuvchan energiya manbalari;
• Sport faoliyati: yengil atletika.

 Jami: (23 ta)

   Kutubxona oliy o‘quv yurtining alohida tarkibiy bo‘linmasi bo‘lib, ko‘plab faoliyat sohalarini (o‘quv, ilmiy va ma’naviy-ma’rifiy) qamrab oladi hamda universitetning ta’lim, ilmiy va madaniy jarayonlarida faol ishtirok etadi. Universitetda „Qarshi universiteti“gazetasi (1966-yildan), „Nasaf ziyosi“ jurnali (2004-yildan) nashr etiladi. 2001-yildan noshirlik markazi faoliyat yuritadi, u universitet professor-o‘qituvchilarining monografiyalari, darslik, o‘quv va uslubiy qo‘llanmalarini nashrga tayyorlaydi.

    Universitet xalqaro ta’lim dasturlarining faol ishtirokchisidir. Ayni paytda universitet 70 dan ortiq xorijiy ta’lim muassasalari bilan ta’lim va ilmiy tadqiqot sohasida hamkorlik shartnomalari va anglashuv memorandumlari tuzilib ular bilan faol ishlab kelmoqda.

  QarDU bir qator yirik xalqaro ilmiy va ta’lim loyihalari (Erasmus+, Erasmus Mundus va boshqalar) a’zosi hisoblanadi. Hozirda QarDU Erasmus+ dasturining kredit mobilligi loyihasi doirasida Ispaniyaning Xaen universiteti, Slovakiyaning Konstantin falsafa universiteti va Polshaning Zelena Gora universitetlari bilan o‘zaro hamkorlik kelishuvlari imzolangan.

   Oliy ta’lim tizimini 2030 yilgacha rivojlantirish konsepsiyasiga asosan, universitetning Xalqaro ta’lim dasturlari fakultetida Rossiya Federatsiyasi va Belarus Respublikasining yetakchi universitetlari bilan hamkorlikda 6 ta bakalavriat ta’lim yo‘nalishlari va 4 ta magistratura mutaxassisliklari bo‘yicha kadrlar tayyorlash yo‘lga qo‘yilgan.

   Qarshi davlat universitet quyidagi ijtimoiy tarmoqlarda faol faoliyat olib boradi:Instagram

• Telegram 
• Linkedin
• Twitter
• Facebook
• You tube 

   Mazkur institut yuzasidan sizda savol va takliflar tug‘ilgan bo‘lsa, quyidagi manzilga va raqamlarga murojaat qilishingiz mumkin: 

• Telefon: 0 (375) 225 - 34 - 13
• Elektron pochta: qarshidu@qarshidu.uz
• Rasmiy sayt: www.qarshidu.uz
• Manzil: Qashqadaryo viloyati, Qarshi shahar, Ko‘chabog‘ ko‘chasi, 17- uy, pochta indeksi: 180103 

   Bizni kuzatishda davom eting Ta’lim telekanali ta’limdagi eng so‘nggi yangiliklarni har doim siz bilan bo‘lishishga tayyor!  

                                                      Ma’mura To‘rayeva tayyorladi