Андижон Қишлоқ Хўжалиги ва Агротехнологиялар Институти Ўзбекистон Республикасининг қишлоқ ва сув хўжалиги соҳалари учун юқори малакали мутахассислар тайёрлайдиган йирик олий таълим марказларидан биридир. Бугунги кунда республикада олиб борилаётган аграр ислоҳотларда институтнинг мутахассислари ва профессор-ўқитувчилари ҳал қилувчи роль ўйнаб, замонавий агротехнологиялар, қишлоқ хўжалигини рақамлаштириш ва барқарор ривожланиш йўналишларида янги кадрлар етиштирмоқда.

Институт тарихи

- 1964 йил: Тошкент ирригация ва қишлоқ хўжалигини механизатсиялаш муҳандислари институтининг Андижон филиали асосида Андижон Пахтачилик Институти номи билан ташкил этилди.

- 1992 йил: Ўзбекистоннинг Биринчи Президенти И.А.Каримовнинг фармони билан институт Андижон Қишлоқ Хўжалик Институтига айлантирилди. Бу қарор қишлоқ хўжалиги соҳасидаги мутахассисликларни кенгайтиришга қаратилган эди.

- 2018 йил: Президент Ш.М.Мирзиёевнинг ПҚ-3704-сонли қарорига мувофиқ, Тошкент Давлат Аграр Университетининг Андижон филиали ташкил этилди.

- 2020 йил: Президентнинг ПҚ-4795-сонли қарори билан мустақил Андижон Қишлоқ Хўжалиги ва Агротехнологиялар Институти негизига қўйилди. Бу агротехнологиялар ва инновацион ёндашувларни ривожлантиришга йўналтирилган қадам бўлди.

60 йил давомида институт 23 000 дан ортиқ агроном, инженер-механик, гидромелиоратор, ветеринар ва бошқа мутахассисларни тайёрлаб, Ўзбекистоннинг қишлоқ хўжалиги тизимига катта ҳисса қўшди

Институтда 5 та факультет фаолият кўрсатади, уларда қуйидаги мутахассисликлар бўйича кадрлар тайёрланади:

1. Агробиология факультети: Ўсимликшунослик, агрокимё, селекция ва уруғчилик;

2. Агробизнес ва рақамли Иқтисодиёт факультети: Агрологистика, молия, маркетинг, агробизнесни бошқариш;

3. Агроинженерия ва гидромелиорация факультети: Қишлоқ хўжалигини механизациялаштириш, гидротехника иншоотлари, сув ресурсларини бошқариш;

4. Ипакчилик ва тутчилик факультети: Ипак ишлаб чиқариш технологиялари, тут дарахтларини парвариш қилиш;

5. Ўсимликлар ҳимояси ва агрокимё факультети: Зараркунандаларга қарши кураш, органик деҳқончилик.

   Институтда бакалавриат ва магистратура босқичларида 50 га яқин мутахассислик бўйича талабалар қабул қилинади.

Бакалавриат

• Бухгалтерия ҳисоби;
• Молия ва молиявий технологиялар;
• Бизнесни бошқариш;
• Маркетинг;
• Юриспруденция;
• Экология ва атроф-муҳит муҳофазаси;
• Биотехнология;
• Технологик жараёнлар ва ишлаб чиқаришни автоматлаштириш;
• Қишлоқ хўжалигини механизациялаштириш;
• Агрокимё ва тупроқшунослик;
• Тупроқ бонитировкаси ва ер дегредатсияс;
• Ўсимликлар ҳимояси ва карантини;
• Агрономия;
• Қишлоқ хўжалиги экинлари селекцияси ва уруғчилиги;
• Қишлоқ хўжалик маҳсулотларини сақлаш ва қайта ишлаш технологияси;
• Зооинженерия;
• Ипакчилик ва тутчилик;
• Мева-сабзавотчилик ва узумчилик;
• Доривор ўсимликларни етиштириш ва қайта ишлаш технологияси;
• Сув хўжалиги ва мелиорация;
• Гидротехника иншоотлари ва насос станцияларидан фойдаланиш;
• Ер кадастри ва ер тузиш;
• Ўрмончилик ва аҳоли яшаш жойларини кўкаламзорлаштириш;
• Ветеринария медицинаси. 

Магистратура

• Иқтисодиёт;
• Электр таъминоти;
• Гидромелиорация ишларини механизациялаштириш;
• Қишлоқ хўжалигини механизациялаштириш;
• Қишлоқ хўжалик техникасини лойиҳалаштириш ва конструкциясини ишлаш;
• Агротупроқшунослик ва агрофизика;
• Агрокимё;
• Ўсимликшунослик;
• Органик деҳқончилик ва озиқ-овқат хавфсизлиги;
• Ўсимликлар ҳимояси ва карантини;
• Селекция ва уруғчилик;
• Қишлоқ хўжалик маҳсулотларини сақлаш ва дастлабки ишлаш;
• Чорвачилик;
• Ипакчилик ва тутчилик;
• Мевачилик;
• Сабзавотчилик, полизчилик ва картошкачилик;
• Доривор ўсимликларни етиштириш ва қайта ишлаш технологияси;
• Гидромелиорация;
• Насос станциялари ва қурилмалари;
• Мелиорация ва суғорма деҳқончилик;
• Сув тежамкор суғориш технологиялари;
• Ўрмончилик;
• Логистика.

  Институт талабалари Эрасмус+, Меҳнаткаш талабалар алмашинуви каби дастурлар орқали дунёнинг етакчи университетларида стажировка ва таҳсил олиш имкониятига эга. 

  Андижон қишлоқ хўжалиги ва агротехнологиялар институти қуйидаги ижтимоий тармоқларда фаол фаолият олиб боради:

• Telegram
• Facebook

 Агар сизда қўшимча савол ва таклифлар бўлса, қуйидаги манзилга ва рақамларга мурожаат қилишингиз мумкин:

• Телефон: (0374)373-17-90
• Электрон почта: admission@andqxai.uz
• Расмий сайт: https://andqxai.uz/
• Манзил: Андижон вилояти, Андижон тумани, Куйганёр шаҳарчаси, почта индекси: 170600

    Бизни кузатишда давом этинг Таълим телеканали таълимдаги энг сўнгги янгиликларни ҳар доим сиз билан бўлишишга тайёр!

Маъмура Тўраева тайёрлади