Низомий номидаги Тошкент давлат педагогика университети

Орқага

Олийгоҳлар 31/07/2024 Низомий номидаги Тошкент давлат педагогика университети

МДҲ мамлакатлари педагогика Олий таълим муассасалари орасида етакчилардан бири сифатида эътироф қилинган Низомий номидаги Тошкент Давлат Педагогика Университети ҳисобланади.

Университет тарихи

1935 йил 14 сентябрда Ўзбекистон Республикаси халқ маорифи комиссарлигининг 13/64 сонли қарорига биноан Ўрта Осиё университетининг педагогика факультети замирида ташкил топган. Ушбу муассаса 1953-1998 йиллар оралиғида Тошкент Педагогика Институти номи билан фаолият олиб борган. 1947 йилдан озарбайжон шоири ва маърифатпарвари Низомий номи билан атала бошлаган. Шундан сўнг, 1998 йил 24 февралда Ўзбекистон Республикаси Вазирлар Маҳкамасининг қарори билан унга университет мақоми берилган. Ҳозирги кунда университетнинг умумий майдони 223 505 м², хусусан, яшил майдони 97 606 м² ни ташкил этади.

Қарийб 90 йиллик тарихи давомида университетни тамомлаган 300 минг нафардан ортиқ мутахассислар бугун нафақат Ўзбекистон балки дунёнинг турли мамлакатларида таълим тизимини ривожлантирилишида жонбозлик кўрсатмоқда.

Университет тамомлаган Сиддиқ Ражабов, Шоназар Шоабдураҳмонов, Эркин Юсупов, Пўлат Ҳабибуллаев, Мазлума Асқарова, Зулфия, Мақсуд Шайхзода, Туроб Тўла, Мирмуҳсин, халқ рассоми Малик Набиев каби илм фан ва санъат, адабиёт арбобларининг вакиллари ҳам айнан шу университетнинг илк қалдирғочлари ҳисобланади.

Университетда Ўзбекистон Фанлар академияси, Қозоғистон гуманитар Фанлар академияси, Ўзбекистон қишлоқ хўжалиги фанлари академияси, Россия таълим Академиясининг мухбир аъзолари, 244 нафар фан номзоди, доцент, 46 нафар фан доктори, кўплаб профессорлар, малакали ўқитувчилар талабаларга чуқур билим бериш билан бирга турли соҳалар бўйича илмий ишлар устида ишламоқдалар.

Ҳозирда Университетда 52 та кафедра ва қуйидаги 14 та факультет фаолият олиб боради:

Математика;
Физика;
Табиий фанлар;
Мусиқий таълим;
Бадиийграфика;
Педагогика;
Психология;
Бошланғич таълим;
Дефектология;
Ўзбек тили ва адабиёти;
Тарих;
Чет тиллар;
Рус ва корейс филологияси;
Чақириққача ҳарбий таълим.

Университет битирувчилари орасида таниқли шахслар кўп. Масалан: З. Нуриддинов, Шукрулло, Шуҳрат, Саид Аҳмад, У. Абдураззоқов, Ғ.Ғулом, П. Мўмин, И. Султонов, академик Шаниязов, генерал-лейтенант Худайбергенов, рассом Н. Гилманова каби жамиятимиздаги фаол инсонлар ҳам айнан шу университетни тамомлашган.

Ҳозирда университетда 24 338 та талаба таҳсил олади. Улардан 5 649 тасини йигитлар, 18 689 тасини қизлар ташкил этади. Барча ўқув бинолари, лабораториялар, ахборот ресурс маркази, электрон кутубхона, ахборот технологиялари маркази, типография, спорт комплекси, музей, малака ошириш ва қайта тайёрлаш марказлари, ўқув-соғломлаштириш лагери, талабалар турар жойлари ва ошхоналар талабалар ва профессор-ўқитувчилар ихтиёрида.

Университет бакалавр ва магистратура босқичларида қуйидаги мутахассисликлар бўйича кадрлар тайёрлайди:

Бакалавр босқичидаги йўналишлар:

Педагогика;
Мактабгача таълим;
Мактабгача таълим психологияси ва педагогикаси;
Бошланғич таълим;
Математика ва информатика;
Физика ва астрономия;
Кимё;
Биология;
География ва иқтисодий билим асослари;
Тарих;
Тасвирий санъат ва муҳандислик графикаси;
Мусиқа таълими;
Ўзбек тили ва адабиёти;
Она тили ва адабиёти;
Она тили ва адабиёти: рус тили ва адабиёти;
Она тили ва адабиёти: қозоқ тили ва адабиёти;
Она тили ва адабиёти: корейс тили ва адабиёти;
Ўзга тилли гуруҳларда рус тили;
Хорижий тил ва адабиёти: инглиз тили;
Хорижий тил ва адабиёти: немис тили;
Чақириққача ҳарбий таълим;
Миллий ғоя, маънавият асослари ва ҳуқуқ таълими;
Жисмоний маданият (шу жумладан, хотин-қизлар спорти йўналиши бўйича);
Технологик таълим;
Профессионал таълим (йўналишлар бўйича);
Профессионал таълим: ахборот тизимлари ва технологиялари;
Профессионал таълим: енгил саноат буюмлари конструкциясини ишлаш ва технологияси (тикув буюмлари технологияси);
Профессионал таълим: технологик машиналар ва жиҳозлар;
Махсус педагогика (фаолият турлари бўйича);
Махсус педагогика: логопедия;
Махсус педагогика: сурдопедагогика;
Махсус педагогика: олигофренопедагогика;
Махсус педагогика: сурдотаржимонлик фаолияти (шу жумладан, оила аъзоларидан бири кар ва соқов бўлган абитуриентлар учун);
Психология: амалий психология;
Хорижий тил ва адабиёти: Корейс тили.

Магистратура босқичидаги йўналишлар:

Педагогика назарияси ва тарихи (фаолият тури бўйича);
Педагогика ва психология;
Таълим муассасаларининг бошқаруви;
Тестология ва педагогик ўлчовларни баҳолаш;
Таълим ва тарбия назарияси ва методикаси (мактабгача таълим);
Махсус педагогика, дефектология;
Махсус педагогика, дефектология: логопедия;
Махсус педагогика, дефектология: сурдопедагогика;
Махсус педагогика, дефектология: олигофренопедагогика;
Таълим ва тарбия назарияси ва методикаси (бошланғич таълим);
Аниқ ва табиий фанларни ўқитиш методикаси (математика);
Таълимда ахборот технологиялари;
Аниқ ва табиий фанларни ўқитиш методикаси (физика ва астрономия);
Аниқ ва табиий фанларни ўқитиш методикаси (биология);
Аниқ ва табиий фанларни ўқитиш методикаси (география);
Ижтимоий-гуманитар фанларни ўқитиш методикаси (тарих);
Тасвирий санъат ва амалий безак санъати;
Муҳандислик графикаси ва дизайн назарияси;
Мусиқа таълими ва санъат;
Ўзбек тили ва адабиёти;
Она тили ва адабиёти;
Она тили ва адабиёти: рус тили ва адабиёти;
Она тили ва адабиёти: қозоқ тили ва адабиёти;
Она тили ва адабиёти: корейс тили ва адабиёти;
Ўзга тилли гуруҳларда рус тили;
Хорижий тил ва адабиёти (инглиз тили);
Таълим ва тарбия назарияси ва методикаси (чақириққача ҳарбий таълим);
Ижтимоий-гуманитар фанларни ўқитиш методикаси (маънавият асослари);
Жисмоний тарбия ва спорт машғулотлари назарияси ва методикаси;
Таълим ва тарбия назарияси ва методикаси (технологик таълим);
Психология (касбга йўналтирув психологияси);
Педагогика;
Ижтимоий-гуманитар фанларни ўқитиш методикаси (ҳуқуқ таълим).

2023 йил февраль ойида университетнинг Яккасарой тумани Шота Руставели кўчаси 105-уй манзилида “Элегант инвест” МЧЖ томонидан давлат-хусусий шерикчилик шартлари асосида 14 қаватли 1500 ўринли бино қурилиши бошланди ва қурилиш ишлари ўша йилнинг май ойида тугатилиб янги талабалар турар жойи фойдаланишга топширилган.

Агар сиз кутган саволларга биз жавоб бера олмаган бўлсак. Қуйидаги рақамларга ва манзилга мурожаат қилишингиз мумкин.

Тошкент ш. Чилонзор тумани, Бунёдкор кўчаси 27 уй. ТДПУ - Низомий номидаги Тошкент давлат педагогика университети

Телефон: +998 (71) 276-76-51

Электрон почта: info@tdpu.uz

Расмий сайт: www.tdpu.uz

Telegram: @ТДПУ_уз

Манзил: Тошкент шаҳри, Чилонзор тумани, Бунёдкор шоҳ кўчаси, 27- уй, почта индекси: 100070