Тошкент шаҳридаги Турин политехника университети

Тошкент шаҳридаги Турин политехника университети (ТТПУ) машинасозлик, автомобилсозлик, энергетика, архитектура ва ахборот технологиялари соҳаларида юқори малакали мутахассислар тайёрлайдиган олий таълим муассасасидир. Университет Ўзбекистон Республикаси ва Италия ҳамкорлигида ташкил этилган бўлиб, битирувчиларга икki томонлама диплом берилиши унинг асосий афзалликларидан биридир.

Тарихи

Университет 2009-йилда ташкил этилган. Унинг фаолияти Ўзбекистон Республикаси Президентининг 2009-йил 27-апрелдаги 1106-сонли қарори ҳамда Ўзбекистон Республикаси Олий ва ўрта-махсус таълим вазирлиги, Avtosanoat АЖ ва Италиянинг Турин политехника университети (Politecnico di Torino) билан 2009-йил 10-январда имзоланган уч томонлама шартномага асосланади. Университет Европа, Америка ва Осиёнинг етакчи олий таълим муассасалари ва компаниялари билан яқин ҳамкорлик қилмоқда.

Факультетлар ва йўналишлар

Университет таркибида 18 та факультет, шунингдек, йирик автомобиль ва бошқа корхоналар учун асосий илмий-тадқиқот маркази ҳамда 19 та илмий-тадқиқот маркази ва лабораториялари мавжуд. Ҳозирда қуйидаги факультет ва кафедралар фаолият юритади:

• Табиий-математик фанлар;
• Менежмент, иқтисод ва гуманитар фанлар;
• Автоматик бошқарув ва компьютер муҳандислиги;
• Қурилиш муҳандислиги ва архитектура;
• Механик ва аэрокосмик муҳандислиги.

Бакалавриат босқичида қуйидаги йўналишлар бўйича мутахассислар тайёрланади:

• Машинасозлик муҳандислиги;
• Ахборот технологияси ва саноатда автоматлаштирилган бошқарув тизимлари;
• Саноатда хўжалик қурилиши ва архитектура;
• Автомобиль муҳандислиги;
• Саноат ишлаб чиқариш технологиялари;
• Дастурий таъминот муҳандислиги;
• Архитектура ва дизайн;
• Бизнес бошқаруви – менежмент;
• Ахборот ва коммуникация муҳандислиги;
• Тарихий обидаларни реставрация қилиш ва консервация қилиш;
• Авиакосмик муҳандислиги;
• Компьютер муҳандислиги;
• Авиация муҳандислиги.

Магистратура босқичида қуйидаги йўналишлар мавжуд:

• Ахборот ва алоқа муҳандислиги (IT);
• Маданий мерос объектларини реставрация ва консервация қилиш (архитектура);
• Бизнес бошқаруви (MBA).

Нима учун танлаш керак

• Дарслар Италиянинг Турин университети ва халқаро стандартларга мос равишда, тўлиқ инглиз тилида олиб борилади;
• Италиядан келган юқори малакали профессорлар ҳамда маҳаллий профессорлар талабаларга таълим беради;
• Битирувчилар бир вақтнинг ўзида иккита диплом — ТТПУ ва Politecnico di Torino (POLITO) дипломига эга бўлади;
• Диплом Ўзбекистонда ва халқаро миқёсда амал қилади;
• Ўқув биносида замонавий IT-хоналар, 4 та лаборатория, 250 ўринга мўлжалланган ахборот-ресурс маркази ва 50 та замонавий компьютер мавжуд;
• Университет бўйлаб Wi-Fi тармоғи ишлайди, талабалар учун ётоқхона мавжуд.