Вебстер университети (Тошкент филиали)

Вебстер университети (Тошкент филиали) АҚШнинг Миссури штатидаги Вебстер Гровс шаҳрида жойлашган Вебстер университетининг Тошкентдаги филиалидир. Ушбу университет Марказий Осиёда ўз филиалини очган илк Америка университети ҳисобланади. Филиалнинг асосий мақсади фаол ва етакчи талабаларни юқори сифатли таълим тажрибаси билан ўқитиш ва тайёрлашдир.

Тарихи

Университетнинг халқаро кампуслари Грузия, Австралия, Швейцария ва Голландияда жойлашган бўлиб, Хитой, Африка, Тайланд, Гана ва Осиё давлатларида ҳам филиаллари мавжуд. Марказий Осиёдаги ягона филиали Тошкент шаҳрида жойлашган. Филиал 2018–2019-йилларда ўқув фаолиятини бошлаган, 2019-йил август ойида эса Алишер Навоий шоҳ кўчасидаги биносига кўчган.

Факультетлар ва йўналишлар

Бакалавр йўналишлари:

• Медиа коммуникация
• Реклама ва маркетинг коммуникацияси
• Киберхавфсизлик
• Тадбиркорлик
• Интерактив рақамли медиа
• Менежмент: инсон ресурсларини бошқариш
• Менежмент: халқаро бизнес
• График дизайн

Магистратура йўналишлари:

• Бизнес бошқаруви магистри
• Бизнес ва ташкилот хавфсизлигини бошқариш
• STEM – фан, технология, таълим ва математика
• Космик тизимларда операцияларни бошқариш
• Таълим ва инновация
• Фан ва етакчиликни бошқариш
• Инсон ресурсларини бошқариш
• Инглиз тилини иккинчи тил сифатида ўқитиш

Нима учун танлаш керак

Таълим жараёнларига Тошкентдаги Вебстер университети ректори Anthony Jarvis бошчилик қилади. Университетда бакалавриат ва магистратура даражасида 4 200 дан ортиқ талаба таҳсил олмоқда. Филиал йилига икки марта талабаларни қабул қилади, қабул қилинган гуруҳлар август ёки январ ойида ўқишни бошлайди.

Ахборот ресурс маркази (e-library) 30 ўринли электрон кутубхона бўлиб, талабаларга Сент-Луисдаги марказий кутубхонадан фойдаланиш, халқаро илмий-техник маълумотлар ва 5 690 дан ortiq электрон дарслик ҳамда адабиётлар базасига кириш имконини беради.

Ўқитиш CANVAS электрон таълим платформаси асосида амалга оширилади. Ушбу платформа компьютер ва мобил телефонларда ишлайди: уй вазифаларини юклаш, онлайн муҳокамаларда иштирок этиш, онлайн тестларни бажариш ҳамда ўқituvчи билан бевосита онлайн алоқа қилиш имконини беради.