Сўнгги янгиликлардан хабардор бўлинг
Бизнинг Телеграм-каналимизга обуна бўлинг
Республикамиз Жанубий минтақа таълим бозорида етакчи ўринга эга, таълим ва тадқиқотга глобал ёндашувни қўллаб-қувватловчи Ўзбекистондаги энг йирик ва етакчи университетлардан бири Қарши давлат университети (ҚарДУ) ҳисобланади. Университет кўп босқичли таълим тизимида фаолият кўрсатадиган кўп тармоқли Олий таълим муассасаларидан биридир.
Университет 1945 йил 1 сентябрда Бухоро бирлашган педагогика ва ўқитувчилар институтининг Қарши филиали сифатида ўз фаолиятини бошлаган. 1992 йил 15 мартда Президент Қарори билан Қарши давлат университети мақоми берилган. Таълим муассасасида шу давр мобайнида мамлакатдаги турли соҳа тармоқлари учун 70 минг нафардан ортиқ малакали кадрлар тайёрлади.
Ҳозирги кунда университетда 13 та факультет, 45 та кафедра 6 та илмий Кенгаш, 1 та илмий марказ, 9 та илмий лаборатория ва 25 та ўқув лаборатория мавжуд, бўлиб, 65 та бакалавриат, 26 та магистратура ва 27 та докторантура ихтисосликлари бор.
Университетдаги 13 та факультетга қуйидагилар киради:
Қарши давлат университет фаолияти Г.Худойберганов, М. Очилов, О. Жўрақулов, Б. Аминов, Ш. Қурбонов, Б. Ҳайриддинов, А.Вардияшвилли, С.Мустафоев, Д. Тўраев, П. Равшанов, Б.Йўлдошев, А. Жабборов ва бошқа профессор ўқитувчилар номи билан боғлиқ.
Иш берувчиларнинг фикрига кўра, Қарши давлат университети Ўзбекистоннинг энг яхши олий таълим муассасалари ТОП-30 талигига киритилган. Қарши давлат университетининг корпоратив мижозлари орасида “Шўртан газ-кимё мажмуаси” МЧЖ, “Муборак газни қайта ишлаш заводи”, “Деҳқонобод калий заводи” АЖ, Қашқадарё вилояти халқ таълими бошқармаси, Қашқадарё вилояти мактабгача таълим бошқармаси, “Қарши Агрокластер” МЧЖ бошқа таниқли корхоналари бор. ҚарДУ халқаро дастурлари Россия, Белорус, Германия, Нидерландия, Франция, Буюк Британия ва АҚШ университетлари ва бизнес мактаблари билан доимий ҳамкорликни йўлга қўйган.
Янги 2024-2025 ўқув йилида Қарши давлат университети бакалавриат ва магистратура босқичида қуйидаги йўналишларда мутахассислар тайёрлайди:
Бакалавриат:
Жами: (59 та)
Кутубхона олий ўқув юртининг алоҳида таркибий бўлинмаси бўлиб, кўплаб фаолият соҳаларини (ўқув, илмий ва маънавий-маърифий) қамраб олади ҳамда университетнинг таълим, илмий ва маданий жараёнларида фаол иштирок этади. Университетда „Қарши университети“газетаси (1966 йилдан), „Насаф зиёси“ журнали (2004 йилдан) нашр этилади. 2001 йилдан ноширлик маркази фаолият юритади, у университет профессор-ўқитувчиларининг монографиялари, дарслик, ўқув ва услубий қўлланмаларини нашрга тайёрлайди.
Университет халқаро таълим дастурларининг фаол иштирокчисидир. Айни пайтда университет 70 дан ортиқ хорижий таълим муассасалари билан таълим ва илмий тадқиқот соҳасида ҳамкорлик шартномалари ва англашув меморандумлари тузилиб улар билан фаол ишлаб келмоқда.
ҚарДУ бир қатор йирик халқаро илмий ва таълим лойиҳалари (Erasmus+, Erasmus Mundus ва бошқалар) аъзоси ҳисобланади. Ҳозирда QarDU Erasmus+ дастурининг кредит мобиллиги лойиҳаси доирасида Испаниянинг ХаЭн университети, Словакиянинг Константин фалсафа университети ва Полшанинг Зелена Гора университетлари билан ўзаро ҳамкорлик келишувлари имзоланган.
Олий таълим тизимини 2030 йилгача ривожлантириш концепциясига асосан, университетнинг Халқаро таълим дастурлари факультетида Россия Федерацияси ва Беларус Республикасининг етакчи университетлари билан ҳамкорликда 6 та бакалавриат таълим йўналишлари ва 4 та магистратура мутахассисликлари бўйича кадрлар тайёрлаш йўлга қўйилган.
Қарши давлат университет қуйидаги ижтимоий тармоқларда фаол фаолият олиб боради:
Мазкур институт юзасидан сизда савол ва таклифлар туғилган бўлса, қуйидаги манзилга ва рақамларга мурожаат қилишингиз мумкин:
Бизни кузатишда давом этинг Таълим телеканали таълимдаги энг сўнгги янгиликларни ҳар доим сиз билан бўлишишга тайёр!
Маъмура Тўраева тайёрлади
.
#Олийгоҳлар