Qoraqalpoq davlat universiteti, Berdaq nomidagi Qoraqalpoq davlat universiteti (qoraqalpoqcha: Berdaq atındaǵı Qaraqalpaq mámleketlik universiteti) — Qoraqalpog‘istondagi eng yirik oliy o‘quv yurti. Ilmiy va pedagog kadrlar tayyorlaydi.

1976-yil Nukus shahrida Qoraqalpoq pedagogika instituti (1934-yil asos solingan) negizida tashkil etilgan. Keyinchalik, Qoraqalpog‘iston Respublikasi Jo‘qorg‘i Kengesining 1992-yil 15-yanvardagi 274-sonli qarori bilan universitet Berdaq nomidagi Qoraqalpoq davlat universiteti deb o‘zgartirildi. Universitetda 17 fakultet, 49 kafedra, 30 dan ortiq o‘quv va ilmiy laboratoriya bor.

Bugungi kunda nafar 27330 nafar talabaga 1072 dan ortiq professor-o‘qituvchilar ta’lim berib kelmoqda. Universitetda sanatoriy-profilaktoriy, "Umid" sport sog‘lomlashtirish oromgohi, o‘quv-amaliyot bazasi, 26 kompyuter sinfi, Berdaq milliy muzeyi, arxeologiya, botanika va zoologiya muzeylari, madaniyat saroyi, tennis korti sport majmuasi, amfiteatr, "Xurlimon" ansambli, teatr-studiya. biznes maktabi, 3 akademik litsey, yuridik klinika mavjud. Universitetning asosiy kutubxonasida 470 mingdan ziyod asarlar saqlanadi.

Universitet 36 ta’lim yo‘nalishi bo‘yicha bakalavrlar, 26 ixtisoslik bo‘yicha magistrantlar tayyorlaydi. Hozirda universitetda quyidagi fakultetlar faoliyat olib boradi:

•  Tarix fakulteti;
• Qurilish fakulteti;
• Matematika fakulteti;
• Yuridik fakulteti;
• Jismoniy madaniyat fakulteti;
• Qoraqalpoq filologiyasi va jurnalistika fakulteti;
• San’atshunoslik fakulteti;
• Arxitektura fakulteti;
• Iqtisodiyot fakulteti
• Biologiya fakulteti
• Fizika fakulteti
• O‘zbek filologiyasi fakulteti;
• Sanoat texnologiyasi fakulteti;
• Chet tillari fakulteti;
• Chimboy fakulteti;
• Geografiya va tabiiy resurslar fakulteti;
• Kimyo-texnologiya fakulteti. 

  Universitet bir qancha xorijiy davlatlarning nufuzli universitet, institutlari va xalqaro tashkilotlar bilan hamkorlik qiladi.

Universitetda "Qoraqalpoq universiteti" gazetasi chiqadi Universitet o‘zining kichik bosmaxonasiga ega bo‘lib, unda professor-o‘qituvchilarning ilmiy asar va o‘quv-metodik adabiyotlari chop etiladi.

  Qoraqalpoq davlat universiteti quyidagi ijtimoiy tarmoqlarda faol faoliyat olib boradi:

•  Telegram
•  Instagram
•  Facebook

Mazkur universitet yuzasidan sizda savol va takliflar tug‘ilgan bo‘lsa, quyidagi manzilga va raqamlarga murojaat qilishingiz mumkin:

Manzil: Nukus shahri, Ch.Abidov ko‘chasi 1-uy

Telefon: +998 61 223-60-78

Faks: +998 61 223-60-78

E-Mail: karsu_info@edu.uz

Web-sayt:karsu.uz

   Bizni kuzatishda davom eting Ta’lim telekanali ta’limdagi eng so‘nggi yangiliklarni har doim siz bilan bo‘lishishga tayyor! 

Ma’mura To‘rayeva tayyorladi