Гулистон давлат университети

Орқага

Олийгоҳлар 01/04/2025 Гулистон давлат университети

Гулистон давлат университети ўз фаолиятини 1965 йилда бошлаган. Дастлаб Сирдарё давлат педагогика институти (СДПИ) базасида ташкил этилган университет, ўзининг сўнгги йилларидаги юқори ўсиши билан таълим соҳаси учун муҳим марказга айланган. 1966 йил 17 июлда эса университетга Ғафур Ғулом номи берилган.

Мирзачўлнинг кўп миллатли ҳудудида жойлашган университет, ўзбек, қозоқ, рус, ва тожик тилларида фаолият юритувчи мактаблар орқали педагоглар ва фан мутахассисларига бўлган эҳтиёжни қондириш мақсадида ташкил этилган. Бу ҳудудда олий таълим муассасасининг ташкил этилиши эса замон талабига мос келган муҳим қарор бўлди.

1992 йил февралида эса Сирдарё вилоятида университет ташкил этишга доир қарор қабул қилинди. Шундан буён Гулистон давлат университети региондаги олий таълимнинг нуфузли марказига айланган.

Ҳозирда университетда 16,942 нафар талабалар таҳсил олишмоқда. Талабалар қуйидаги факультетларда таълим олишади:

• Ахборот технологиялари ва физика-математика факультети;

• Филология факультети;

• Табиий фанлар факультети;

• Психология ва ижтимоий фанлар факультети.

2025-йилги тузилмасига кўра, университет бакалавриат ва магистратура босқичларида ўқитилаётган мутахассисликлар рўйхатини кенгайтирган. Бугунги кунда университет қуйидаги йўналишлар бўйича мутахассислар тайёрлайди:

• Агрокимё ва тупроқшунослик;

• Агрономия;

• Амалий математика;

• Амалий санъат: бадиий кулолчилик;

• Ахборот тизимлари ва технологиялари;

• Банк иши;

• Биология;

• Биотехнология;

• Бизнесни бошқариш;

• Бухгалтерия ҳисоби;

• Чолғу ижрочилиги (халқ чолғулари);

• Даволаш иши;

• Дизайн (интерьер дизайни);

• Экология ва атроф-муҳит муҳофазаси;

• Филология ва тилларни ўқитиш: инглиз тили;

• Физика;

• Ижтимоий иш;

• Иқтисодиёт;

• Кимё;

• Компьютер инжиниринги;

• Меҳнат муҳофазаси ва техника хавфсизлиги;

• Менежмент;

• Ўсимликлар ҳимояси ва карантини;

• Психология;

• Спорт фаолияти: футбол, кураш, волейбол;

• Туризм ва меҳмондўстлик;

• Вокал санъати;

• Енгил саноат муҳандислиги.

Бу йўналишлар университетнинг замонавий ва турли соҳаларда етук мутахассисларни тайёрлашга қаратилган.

Талабалар учун шароитлар

Гулистон давлат университети талабаларига қулай яшаш шароитларини тақдим этиш бўйича катта ишларни амалга оширди. Университетда 4 та талабалар турар жойи мавжуд бўлиб, уларнинг умумий сиғими 2,094 ўринга мўлжалланган.

• 1-сонли талабалар турар жойи: 4 қаватли, 822 ўринга мўлжалланган;

• 2-сонли талабалар турар жойи: 4 қаватли, 772 ўринга мўлжалланган;

• 3-сонли талабалар турар жойи: 4 қаватли, 350 ўринга мўлжалланган;

• 4-сонли талабалар турар жойи: 2 қаватли, 150 ўринга мўлжалланган.

Талабалар турар жойларида барча зарур қулайликлар яратилган. Масалан, 1 ва 3-сонли ТТЖларда тиббиёт хоналари мавжуд. Шунингдек, 1-сонли ва 2-сонли ТТЖларда талабалар учун алоҳида кутубхоналар, спорт хоналари (фитнес), мусиқа ва тасвирий санъат хоналари ҳамда компьютер хоналари ташкил этилган. Бу хоналар зарур спорт жиҳозлари, мусиқа асбоблари ва компьютерлар билан таъминланган. 1-сонли ТТЖда сартарошхона, 2-сонли ТТЖда эса тикувчилик хонаси ҳам фаолият юритмоқда, бу эса талабалар учун қулайлик яратади.

Халқаро ҳамкорлик ва коммуникация

Гулистон давлат университети нафақат республикамиздаги, балки хориждаги олий таълим муассасалари билан ҳам самарали ҳамкорликни йўлга қўйган. Университет ўзининг халқаро ҳамкорликларини кенгайтириш мақсадида бир қатор йирик таълим муассасалари билан алоқаларни мустаҳкамлашда давом этмоқда.