Бу ҳақда ИДП тест маркази маълум қилди.

Унга кўра, 10 июль кунига режалаштирилган қоғоз (paper-based) имтиҳонлар режадагидек ўтказилади, бироқ 11 июлдан бошлаб фақат компьютерда (cомпутер-басед) имтиҳон топшириш мумкин бўлади.

British Council эса ҳозирча бу ҳақда эълон қилмади. Бироқ унда ҳам қоғоз вариантдаги имтиҳон учун рўйхатдан ўтиб бўлмаяпти.

Олдинроқ рўйхатдан ўтганлар эса ихтиёрий равишда имтиҳон шаклини "computer-based"га ўзгартиришлари ёки тўловни тўлиқ қайтариб олишлари мумкин.

Аввалроқ Ўзбекистонда IELTS имтиҳонида тушадиган саволлар тўплами "тарқалиб кетгани" ва бундай ҳолатлар кескин ортгани ҳақидаги хабарлар ортидан 7 июнь куни имтиҳон топширган номзодларнинг натижалари қайта текшириш учун олиб қолинган эди.