Жамғарма директори Гулноза Исмоилова Тошкентда ўтган “Silk Road University Fair” таълим форуми доирасида “Daryo” нашрига берган интервьюсида шу ҳақда гапирди. Унинг сўзларига кўра, охирги беш йилда хорижда ўқиётган 30 нафар ўзбекистонлик талаба стипендиядан маҳрум этилган.

Стипендия нега тўхтатилди?

Сабаблар турлича бўлган. Баъзи талабалар ватанга қайтмаган, айримлари эса ўз мажburиятларини бажармаган. Яна бир гуруҳда академик ўзлаштириш кўрсаткичлари кетма-кет пасайиб кетган. Жамғарма улар билан тўрт томонлама шартнома тузган эди, шу сабабли қонуний тартибда суд қарорлари қабул қилинган.

Назорат қандай кучайтирилди?

Ҳозир ҳар бир семестр натижаси махсус платформа орқали баҳоланмоқда, жараён доимий мониторинг қилинмоқда. Аввал тушунтириш хатлари ёзиларди, холос. Энди эса 26 нафар стипендиат past ўзлаштириш билан қайд этилган ва уларнинг ота-оналари билан 2025-йildan бери доимий алоқа ўрнатилган.

Жамғарма стипендияси асосида ҳозир 700 нафар ўзбекистонлик чет эл олий таълим муассасаларида таҳсил олмоқда. Йилига хорижий университетларга кирган 500 нафаргача талабага стипендия ажратилмоқда. Бу маблағ шартнома тўловидан тортиб яшаш харажатларигача қоплайди.

Қайтганлар қаерда ишлайди?

Гулноза Исмоилованинг таъкидлашича, Ватанга қайтган стипендиатларнинг 85 фоизгача ўз вилоятига бормай, Тошкентда қолмоқда. Жамғарма 2018-йилги президент фармони асосида ташкил этилган ва чет элда ўқиган ёшларни муносиб ишга жойлаштиришга кўмаклашиши белгиланган.

Давлат бюджетидан жамғармага 2025-йилда 600 миллиард сўм ажратилган. Режага кўра, 2026-йилда бу рақам 800 миллиард, 2027-йилда 950 миллиард, 2028-йилда эса 1 триллион сўмга етказилади.

Манба: Daryo.uz