Қорақалпоқ давлат университети, Бердақ номидаги Қорақалпоқ давлат университети (қорақалпоқча: Бердақ атıндаǵı Қарақалпақ мáмлекетлик университети) — Қорақалпоғистондаги энг йирик олий ўқув юрти. Илмий ва педагог кадрлар тайёрлайди.

1976 йил Нукус шаҳрида Қорақалпоқ педагогика институти (1934 йил асос солинган) негизида ташкил этилган. Кейинчалик, Қорақалпоғистон Республикаси Жўқорғи Кенгесининг 1992 йил 15 январдаги 274-сонли қарори билан университет Бердақ номидаги Қорақалпоқ давлат университети деб ўзгартирилди. Университетда 17 факультет, 49 кафедра, 30 дан ортиқ ўқув ва илмий лаборатория бор.

Бугунги кунда нафар 27330 нафар талабага 1072 дан ортиқ профессор-ўқитувчилар таълим бериб келмоқда. Университетда санаторий-профилакторий, "Умид" спорт соғломлаштириш оромгоҳи, ўқув-амалиёт базаси, 26 компьютер синфи, Бердақ миллий музейи, археология, ботаника ва зоология музейлари, маданият саройи, теннис корти спорт мажмуаси, амфитеатр, "Хурлимон" ансамбли, театр-студия. бизнес мактаби, 3 академик лицей, юридик клиника мавжуд. Университетнинг асосий кутубхонасида 470 мингдан зиёд асарлар сақланади.

Университет 36 таълим йўналиши бўйича бакалаврлар, 26 ихтисослик бўйича магистрантлар тайёрлайди. Ҳозирда университетда қуйидаги факультетлар фаолият олиб боради:

• Тарих факультети;
• Қурилиш факультети;
• Математика факультети;
• Юридик факультети;
• Жисмоний маданият факультети;
• Қорақалпоқ филологияси ва журналистика факультети;
• Санъатшунослик факультети;
• Архитектура факультети;
• Иқтисодиёт факультети
• Биология факультети
• Физика факультети
• Ўзбек филологияси факультети;
• Саноат технологияси факультети;
• Чет тиллари факультети;
• Чимбой факультети;
• География ва табиий ресурслар факультети;
• Кимё-технология факультети.

Университет бир қанча хорижий давлатларнинг нуфузли университет, институтлари ва халқаро ташкилотлар билан ҳамкорлик қилади.

Университетда "Қорақалпоқ университети" газетаси чиқади Университет ўзининг кичик босмахонасига эга бўлиб, унда профессор-ўқитувчиларнинг илмий асар ва ўқув-методик адабиётлари чоп этилади.

Қорақалпоқ давлат университети қуйидаги ижтимоий тармоқларда фаол фаолият олиб боради:

• Telegram
• Instagram
• Facebook

Мазкур университет юзасидан сизда савол ва таклифлар туғилган бўлса, қуйидаги манзилга ва рақамларга мурожаат қилишингиз мумкин:

• Манзил: Нукус шаҳри, Ч.Абидов кўчаси 1-уй
• Телефон: +998 61 223-60-78
• Факс: +998 61 223-60-78
• E-Mail: karsu_info@edu.uz
• Wеб-сайт:karsu.uz

Бизни кузатишда давом этинг Таълим телеканали таълимдаги энг сўнгги янгиликларни ҳар доим сиз билан бўлишишга тайёр!

Маъмура Тўраева тайёрлади