6 yoşli bolalar bir yillik maktabga tayyorlov bilan töliq qamrab olinadi
Rasm sun’iy intellekt yordamida yaratilgan
Prezident 10-noyabr kuni «Inson qadrini yuksaltirişga qaratilgan milliy dasturlarni amalga oşiriş çora-tadbirlari töğrisida»gi farmonni imzoladi. Hujjat bilim va malakani mamlakat taraqqiyotining asosiy kapitaliga aylantiriş böyiça milliy dasturning asosiy yönalişlarini belgilaydi.
Ta'lim sohasidagi eng muhim bandlardan biri — 6 yoşli bolalarni maktabga tayyorlov guruhlari bilan töliq qamrab oliş. Farmon ilovasiga köra, bir yillik majburiy maktabga tayyorlov qamrovini 100 foizga yetkaziş maqsadiga 2027-yilda erişiş közda tutilgan.
Boşqa yönalişlar
- nodavlat maktabgaça ta'lim taşkilotlariga amaldagi imtiyozlarni saqlab qoliş va ularning samaradorligini baholaş;
- barça umumta'lim maktablarini bosqiçma-bosqiç xalqaro baholaş dasturlari bilan qamrab oliş;
- texnikumlarda xalqaro ta'lim standartlarini joriy etiş va yoşlarni yuqori daromadli kasblarga öqitiş;
- kamida 10 ta oliy ta'lim taşkilotini nufuzli xalqaro reytinglarning top-1000 talikka kiritiş;
- 10 million nafar yoşni raqamli industriya va kelajak kasblariga jalb qiliş;
- özbek tilining raqamli muhitda ilm-fan va texnologiyalar tili sifatidagi mavqeini mustahkamlaş.
Eslatib ötamiz, «Ta'lim töğrisida»gi qonunga köra, 6 yoşdan 7 yoşgaça bölgan bolalarni bir yil davomida umumiy örta ta'limga tayyorlaş majburiy hisoblanadi. Tayyorlov maktabgaça ta'lim tizimi doirasida, boğçalarda amalga oşiriladi.
Kamida 10 ta oliy ta'lim taşkilotini top-1000 talikka kiritiş esa 2030-yilga möljallangan.
Manba: Prezident farmoni
