Guliston davlat universiteti

Orqaga

Oliygohlar 01/04/2025 Guliston davlat universiteti

Guliston davlat universiteti o‘z faoliyatini 1965-yilda boshlagan. Dastlab Sirdaryo davlat pedagogika instituti (SDPI) bazasida tashkil etilgan universitet, o‘zining so‘nggi yillaridagi yuqori o‘sishi bilan ta’lim sohasi uchun muhim markazga aylangan. 1966-yil 17-iyulda esa universitetga G‘afur G‘ulom nomi berilgan.

Mirzacho‘lning ko‘p millatli hududida joylashgan universitet, o‘zbek, qozoq, rus, va tojik tillarida faoliyat yurituvchi maktablar orqali pedagoglar va fan mutaxassislariga bo‘lgan ehtiyojni qondirish maqsadida tashkil etilgan. Bu hududda oliy ta’lim muassasasining tashkil etilishi esa zamon talabiga mos kelgan muhim qaror bo‘ldi.

1992-yil fevralida esa Sirdaryo viloyatida universitet tashkil etishga doir qaror qabul qilindi. Shundan buyon Guliston davlat universiteti regiondagi oliy ta’limning nufuzli markaziga aylangan.

Hozirda universitetda 16,942 nafar talabalar tahsil olishmoqda. Talabalar quyidagi fakultetlarda ta’lim olishadi:

Axborot texnologiyalari va fizika-matematika fakulteti;
Filologiya fakulteti;
Tabiiy fanlar fakulteti;
Psixologiya va ijtimoiy fanlar fakulteti.

2025-yilgi tuzilmasiga ko‘ra, universitet bakalavriat va magistratura bosqichlarida o‘qitilayotgan mutaxassisliklar ro‘yxatini kengaytirgan. Bugungi kunda universitet quyidagi yo‘nalishlar bo‘yicha mutaxassislar tayyorlaydi:

Agrokimyo va tuproqshunoslik;
Agronomiya;
Amaliy matematika;
Amaliy san’at: badiiy kulolchilik;
Axborot tizimlari va texnologiyalari;
Bank ishi;
Biologiya;
Biotexnologiya;
Biznesni boshqarish;
Buxgalteriya hisobi;
Cholg‘u ijrochiligi (xalq cholg‘ulari);
Davolash ishi;
Dizayn (interer dizayni);
Ekologiya va atrof-muhit muhofazasi;
Filologiya va tillarni o‘qitish: ingliz tili;
Fizika;
Ijtimoiy ish;
Iqtisodiyot;
Kimyo;
Kompyuter injiniringi;
Mehnat muhofazasi va texnika xavfsizligi;
Menejment;
O‘simliklar himoyasi va karantini;
Psixologiya;
Sport faoliyati: futbol, kurash, voleybol;
Turizm va mehmondo‘stlik;
Vokal san’ati;
Yengil sanoat muhandisligi.

Bu yo‘nalishlar universitetning zamonaviy va turli sohalarda yetuk mutaxassislarni tayyorlashga qaratilgan.

Talabalar uchun sharoitlar

Guliston davlat universiteti talabalariga qulay yashash sharoitlarini taqdim etish bo‘yicha katta ishlarni amalga oshirdi. Universitetda 4 ta talabalar turar joyi mavjud bo‘lib, ularning umumiy sig‘imi 2,094 o‘ringa mo‘ljallangan.

1-sonli talabalar turar joyi: 4 qavatli, 822 o‘ringa mo‘ljallangan;
2-sonli talabalar turar joyi: 4 qavatli, 772 o‘ringa mo‘ljallangan;
3-sonli talabalar turar joyi: 4 qavatli, 350 o‘ringa mo‘ljallangan;
4-sonli talabalar turar joyi: 2 qavatli, 150 o‘ringa mo‘ljallangan.

Talabalar turar joylarida barcha zarur qulayliklar yaratilgan. Masalan, 1 va 3-sonli TTJlarda tibbiyot xonalari mavjud. Shuningdek, 1-sonli va 2-sonli TTJlarda talabalar uchun alohida kutubxonalar, sport xonalari (fitnes), musiqa va tasviriy san’at xonalari hamda kompyuter xonalari tashkil etilgan. Bu xonalar zarur sport jihozlari, musiqa asboblari va kompyuterlar bilan ta’minlangan. 1-sonli TTJda sartaroshxona, 2-sonli TTJda esa tikuvchilik xonasi ham faoliyat yuritmoqda, bu esa talabalar uchun qulaylik yaratadi.

Xalqaro hamkorlik va kommunikatsiya

Guliston davlat universiteti nafaqat respublikamizdagi, balki xorijdagi oliy ta’lim muassasalari bilan ham samarali hamkorlikni yo‘lga qo‘ygan. Universitet o‘zining xalqaro hamkorliklarini kengaytirish maqsadida bir qator yirik ta’lim muassasalari bilan aloqalarni mustahkamlashda davom etmoqda.