Олийгоҳлар Дарсликлар Хусусий мактаблар Олийгоҳ танлаш боти
Ўзбек ▾
O'zbekЎзбекРусскийIngliz tili
Янгиликлар

Маҳкумларга олий таълим олиш ва масофавий ўқиш имконияти яратилади

Маҳкумларга олий таълим олиш ва масофавий ўқиш имконияти яратилади

Расм сунъий интеллект ёрдамида яратилган

Ўзбекистонда “Янги ҳаёт” дастури доирасида маҳкумларга олий таълим олиш имконияти кенгайтирилади. Президентнинг 16-ноябрдаги қарорида белгиланганига кўра, 2027/2028 ўқув йилидан бошлаб маҳкумлар олий таълим ташкилотларига қабул қилинади ва масофавий шаклда тўлов-контракт асосида ўқий олади.

Қарорга мувофиқ, ўқишга қабул қилинган маҳкумлар масофавий таълим олиши учун колонияларда видеоконференцалоқа воситалари билан жиҳозланган махсус хоналар ажратилади.

Инфратузилма ва касбий дастурлар

2027/2028 ўқув йилигача жазони ижро этиш муассасаларида 310 та ўқув ва 420 та амалий машғулот хонаси ташкил этилади. 2030-йилгача эса меҳнат бозорига мос камида 50 та касб бўйича ўқув дастурларини жорий этиш режалаштирилган.

Асосий мақсад

Ҳар йили камида 15–20 минг нафар маҳкумни талаб юқори бўлган касбларга ўқитиш орқали такрорий жиноятчилик даражасини 30 фоизга қисқартириш асосий мақсад этиб белгиланган.

Шунингдек, ёш маҳкумлар орасидан сайлов йўли билан ёшлар фаоллари танланади. Улар ҳар чоракда 1 миллион 320 минг сўм (БҲМнинг 3 баравари) миқдорида рағбатлантирилади.

Барча колониялардаги маҳкумлар ўртасида масофавий шаклда “Ёш китобхон” танлови ташкил этилади, колония кутубхоналарида эса “Мутолаа” платформасидан фойдаланиш йўлга қўйилади.

Таълим ва касб олиш имконияти маҳкумларнинг жамиятга қайта мослашуви учун муҳим омил ҳисобланади.

Манба: Президентнинг 16-ноябрдаги қарори

Улашиш: Telegram Facebook
Сўнгги янгиликлардан хабардор бўлингБизнинг Телеграм-каналимизга обуна бўлинг Обуна бўлинг