Чуст туманидаги 11-умумтаълим мактаби жисмоний тарбия ўқитувчиси Шуҳрат Раҳмонов автомобиль прототипларини яратиш билан шуғулланиб келмоқда.

   У 4 йилдан буён 5 та прототип ясаган. 2022-2023 йилларда халқаро кўргазмада қатнашган.

    Унинг Тошкентда намойиш этилган Бакки спорт автомобили Олий таълим, фан ва инновациялар вазирлиги томонидан 63 миллион сўм миқдорида молиялаштирилди.

   Шунингдек, у мураккаб йўл шароитларига мослаштирилган Передатор автомобилини ишлаб чиқди. Мазкур модель маҳаллий эҳтиёт қисмлардан йиғилган бўлиб, Damas двигатели ва ВАЗ-2106 узатмалар қутисидан фойдаланилган.

   Ҳозирги кунда Lamborghini Countach 500 моделини ташқи кўринишини ўзгартирилган вариантини ишлаб чиққан.  Ушбу прототип деталлари қўл меҳнатида 2 йил давомида тайёрланган.