Халқаро Нордик университети

Халқаро Нордик университети (ХНУ) Ўзбекистонда Шимолий Европа, айниқса Финляндиянинг илғор таълим тажрибасига асосланган йирик хусусий таълим кластеридир. Университет мактабгача таълимдан тортиб олий таълимгача бўлган барча босқичларни ўз ичига олган ягона инновацион модел асосида фаолият юритади.

Тарихи

ХНУ фаолиятини Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш Давлат инспекциясининг №034528-сонли лицензияси асосида бошлаган. 2022-йил 27-майда Тошкентда ўтказилган Ўзбекистон-Финляндия ташқи ишлар вазирларининг сиёсий маслаҳат йиғилишида таълим соҳасида янги лойиҳаларни амалга ошириш бўйича муҳим келишувларга эришилди. Орадан уч ой ўтиб, 2022-йил 8-сентябрда университетнинг расмий очилиши бўлиб ўтди.

Факультетлар ва йўналишлар

Университетда ҳозирда иккита асосий факультет фаолият олиб бормоқда: Иқтисодиёт ва педагогика факультети ҳамда Магистратура факультети. Таълим йўналишлари замон талаблари ва меҳнат бозорининг эҳтиёжлари асосида шаклланган.

Бакалавриат (кундузги):

• Иқтисодиёт
• Молия ва молиявий технологиялар
• Жаҳон иқтисодиёти ва халқаро иқтисодий муносабатлар
• Бошланғич таълим
• Мактабгача таълим
• Махсус педагогика
• Мусиқа таълими
• Психология
• Хорижий тил ва адабиёти
• Тарих
• Амалий математика
• Туризм ва меҳмондўстлик
• Журналистика

Қўшма дастурлар:

• Компьютер инжиниринги (Финляндия ва Корея)
• Бизнесни бошқариш (Финляндия)
• Саноат муҳандислиги ва менежменти (Финляндия)
• Иқтисодиёт (Корея)
• Молия ва молиявий технологиялар (Корея)

Магистратура:

• Педагогика
• Таълим ва тарбия назарияси ва методикаси (Бошланғич таълим)
• Таълим ва тарбия назарияси ва методикаси (Мактабгача таълим)
• Жаҳон иқтисодиёти
• Иқтисодиёт
• Хорижий тил ва адабиёти
• Мусиқа таълими ва санъат
• Журналистика
• Амалий математика
• Компьютер инжиниринги
• Маълумотлар илми (data science)
• Туризм ва меҳмондўстлик

Докторантура, таянч докторантура ва мустақил изланувчилик ихтисосликлари:

• 08.00.03 - Саноат иқтисодиёти
• 08.00.07 - Молия, пул муомаласи ва кредит
• 08.00.13 - Менежмент
• 13.00.02 - Таълим ва тарбия назарияси ва методикаси (соҳалар бўйича)
• 13.00.07 - Таълимда менежмент
• 13.00.01 - Педагогика назарияси. Педагогик таълимотлар тарихи

Нима учун танлаш керак

ХНУ халқаро ҳамкорлик асосида ишлайди. Асосий стратегик ҳамкори Финляндиянинг Карелия амалий фанлар университети бўлиб, таълим дастурлари, методология ва бошқарув тизими шу тажриба асосида шаклланган. 2+2 ва 3+1 қўшма дастурлари орқали талаба ўқишининг бир қисмини Ўзбекистонда, қолганини Финляндияда давом эттириши мумкин.

Иқтидорли талабалар учун ҳар йили 5 нафаргача энг билимли талабага ХНУ гранти берилади. Ижтимоий ҳимояга муҳтож оилалар фарзандлари ва ўзлаштириш кўрсаткичлари юқори талабалар учун контракт тўловига 50 % чегирма тақдим этилади.

Ҳужжат топшириш учун онлайн платформа: https://admission.nordicuniversity.org/