Xalqaro Nordik universiteti

Xalqaro Nordik universiteti (XNU) O‘zbekistonda Shimoliy Yevropa, ayniqsa Finlandiyaning ilg‘or ta’lim tajribasiga asoslangan yirik xususiy ta’lim klasteridir. Universitet maktabgacha ta’limdan tortib oliy ta’limgacha bo‘lgan barcha bosqichlarni o‘z ichiga olgan yagona innovatsion model asosida faoliyat yuritadi.

Tarixi

XNU faoliyatini O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish Davlat inspeksiyasining №034528-sonli litsenziyasi asosida boshlagan. 2022-yil 27-mayda Toshkentda o‘tkazilgan O‘zbekiston-Finlyandiya tashqi ishlar vazirlarining siyosiy maslahat yig‘ilishida ta’lim sohasida yangi loyihalarni amalga oshirish bo‘yicha muhim kelishuvlarga erishildi. Oradan uch oy o‘tib, 2022-yil 8-sentyabrda universitetning rasmiy ochilishi bo‘lib o‘tdi.

Fakultetlar va yo‘nalishlar

Universitetda hozirda ikki asosiy fakultet faoliyat olib bormoqda: Iqtisodiyot va pedagogika fakulteti hamda Magistratura fakulteti. Ta’lim yo‘nalishlari zamon talablari va mehnat bozorining ehtiyojlari asosida shakllangan.

Bakalavriat (kunduzgi):

• Iqtisodiyot
• Moliya va moliyaviy texnologiyalar
• Jahon iqtisodiyoti va xalqaro iqtisodiy munosabatlar
• Boshlang‘ich ta’lim
• Maktabgacha ta’lim
• Maxsus pedagogika
• Musiqa ta’limi
• Psixologiya
• Xorijiy til va adabiyoti
• Tarix
• Amaliy matematika
• Turizm va mehmondo‘stlik
• Jurnalistika

Qo‘shma dasturlar:

• Kompyuter injiniringi (Finlandiya va Koreya)
• Biznesni boshqarish (Finlandiya)
• Sanoat muhandisligi va menejmenti (Finlandiya)
• Iqtisodiyot (Koreya)
• Moliya va moliyaviy texnologiyalar (Koreya)

Magistratura:

• Pedagogika
• Ta’lim va tarbiya nazariyasi va metodikasi (Boshlang‘ich ta’lim)
• Ta’lim va tarbiya nazariyasi va metodikasi (Maktabgacha ta’lim)
• Jahon iqtisodiyoti
• Iqtisodiyot
• Xorijiy til va adabiyoti
• Musiqa ta’limi va san’at
• Jurnalistika
• Amaliy matematika
• Kompyuter injiniringi
• Ma’lumotlar ilmi (data science)
• Turizm va mehmondo‘stlik

Doktoranturа, tayanch doktoranturа va mustaqil izlanuvchilik ixtisosliklari:

• 08.00.03 - Sanoat iqtisodiyoti
• 08.00.07 - Moliya, pul muomalasi va kredit
• 08.00.13 - Menejment
• 13.00.02 - Ta’lim va tarbiya nazariyasi va metodikasi (sohalar bo‘yicha)
• 13.00.07 - Ta’limda menejment
• 13.00.01 - Pedagogika nazariyasi. Pedagogik ta’limotlar tarixi

Nima uchun tanlash kerak

XNU xalqaro hamkorlik asosida ishlaydi. Asosiy strategik hamkori Finlandiyaning Kareliya amaliy fanlar universiteti bo‘lib, ta’lim dasturlari, metodologiya va boshqaruv tizimi shu tajriba asosida shakllangan. 2+2 va 3+1 qo‘shma dasturlari orqali talaba o‘qishining bir qismini O‘zbekistonda, qolganini Finlandiyada davom ettirishi mumkin.

Iqtidorli talabalar uchun har yili 5 nafargacha eng bilimli talabaga XNU granti beriladi. Ijtimoiy himoyaga muhtoj oilalar farzandlari va o‘zlashtirish ko‘rsatkichlari yuqori talabalar uchun kontrakt to‘loviga 50 % chegirma taqdim etiladi.

Hujjat topshirish uchun onlayn platforma: https://admission.nordicuniversity.org/