Тошкент давлат аграр университети

Тошкент давлат аграр университети қишлоқ хўжалиги соҳаси учун мутахассислар тайёрлайдиган Ўзбекистондаги энг йирик олий ўқув юртларидан бири ҳисобланади. Университет Ўзбекистон Республикаси Қишлоқ хўжалиги вазирлиги таркибида фаолият юритади ва Тошкент вилоятида жойлашган.

Тарихи

Университетнинг илдизлари 1918-йилда маҳаллий зиёлилар ташаббуси билан ташкил этилган Мирзо Улуғбек номидаги Миллий университетга бориб тақалади. 1920-йилларда унинг таркибидаги қишлоқ хўжалиги факультети фаолият юритган. 1930-йилда Ўрта Осиё қишлоқ хўжалиги институти ташкил этилиб, у 1934—1991-йилларда Тошкент қишлоқ хўжалиги институти номи билан ишлаган. 1991-йилнинг апрелидан бошлаб Тошкент давлат аграр университети деб қайта ташкил этилган. 1992-йилда бакалавриат босқичида мутахассислар тайёрлайдиган Нукус филиали очилган.

Университет ташкил топганидан бери қишлоқ хўжалиги фани ва ишлаб чиқаришнинг турли тармоқлари учун 55 мингдан ортиқ мутахассис тайёрлаган.

Факультетлар ва йўналишлар

Университетда қуйидagi факультетлар фаолият юритади:

• Ҳуқуқ ва туризм;
• Агрологистика ва бизнес;
• Агробиология;
• Ўсимликлар ҳимояси, агрокимё ва тuproқшунослик;
• Meва-сабзавотчилик ва узумчилик;
• Қишлоқ хўжалиги маҳсулотларини сақлаш ва қайта ишлаш;
• Ипакчилик ва тутчилик;
• Ўрмон хўжалиги ва ландшафт дизайн.

Университет бакалавриат босқичида 54 та, магистратурада 31 та йўналиш бўйича мутахассислар тайёрлайди. 2026-йил қабулидаги йўналишлар рўйхати саҳифадаги жадвалда келтирилган.

Нима учун танлаш керак

• Халқаро ҳамкорлик: 37 та хорижий университет ва 6 та илмий-тадқиқот институти билан ҳамкорлик; хорижий олий таълим муассасалари билан 50 га яқин шартнома ва меморандум имзоланган.
• Қўшма таълим дастурлари: 2020-йилда АҚШ, Россия ва Белоруссиянинг 4 та ОТМ билан ҳамкорликда 5 та бакалавриат ва 2 та магистратура мутахассислиги бўйича қўшма дастурлар жорий этилган.
• Амалиёт: талабалар Германия, Россия каби давлатларда ишлаб чиқариш амалиётини ўтаб келмоқда.
• Ўқув-тажриба базаси: ўқув-тажриба хўжалиги, 4 гектар иссиқхона майдони, чорвачилик фермаси, агроэкология илмий маркази ва биотехнология лабораторияси.
• Қулай шароит: 5 та талабалар турар жойи, 3 та овқатланиш кафеси, спорт мажмуи, ахборот ресурс маркази ва ёшлар маркази.