Iqtisodchi, qishloq xo‘jaligi, neft va gaz sanoati, elektr va issiqlik energetikasi, oziq-ovqat sanoati, kimyoviy texnologiya va xalq xo‘jaligining boshqa tarmoqlari hamda ta’lim sohasi uchun yuqori malakali muhandislar, iqtisodchi va muhandis-pedagog bakalavrlar va mutaxassislar tayyorlaydigan oliy o‘quv yurti hisoblanadi.

   Institut dastavval 1975-yilda tashkil etilgan bo‘lib, Toshkent irrigatsiya va qishloq xo‘jaligini mexanizatsiyalash muhandislari institutining Qarshi filiali deb yuritilgan. O‘zbekiston Respublikasi Prezidentining 1992-yil 28-fevraldagi 356-sonli farmoniga muvofiq Toshkent irrigatsiya va qishloq xo‘jaligini mexanizatsiyalashtirish muhandislari institutining Qarshi filiali negizida Qarshi agrar - iqtisodiyot instituti tashkil etilgan. O‘zbekiston Respublikasi Vazirlar Mahkamasining 1995-yil 3-iyundagi 211-sonli qaroriga asosan Qarshi agrar - iqtisodiyot instituti va Toshkent davlat texnika universiteti Qarshi filiali negizida Qarshi muhandislik-iqtisodiyot instituti tashkil qilingan.

  Ayni paytda institutda quyidagi 6 ta fakultet faoliyat ko‘rsatmoqda. 

•  Muhandislik texnikasi fakulteti; 
•  Energetika fakulteti;
•  Neft va gaz fakulteti;
•  Geologiya va konchilik ishi fakulteti;
•  Iqtisodiyot fakulteti;
•  Elektronika va avtomatika fakulteti;
•  Sanoat texnologiyasi fakulteti. 

    29 ta ta’lim yo‘nalishlari bo‘yicha 7738 nafar bakalavrlar, 17 ta mutaxassisliklar bo‘yicha 264 dan ortiq magistrlar, 1163 nafar sirtqi ta’lim yo‘nalishlarida tahsil olmoqda. Yoshlarga 571 dan ortiq professor-o‘qituvchilar ta’lim-tarbiya berishmoqda. Ularning 18 nafari fan doktori, professorlar, 120 nafari fan nomzodi, dotsentlardir.

    Institutda qishloq xo‘jaligi ishlab chiqarishini mexanizatsiyalash, xalq xo‘jaligi iqtisodiyoti, agronomiya, neft va gaz ishi, elektron texnologiya sohalari bo‘yicha ilmiy tekshirish ishlari olib boriladi. institut qoshida internat, akademik litsey, biznes maktablari, mutaxassislar malakasini oshirish bo‘limi, "Iqtidorli talabalar bilan ishlash", "Axborot texnologiyalari va masofaviy ta’lim" markazlari, kichik bosmaxona faoliyat ko‘rsatadi.

    Institutda 31 ta kafedra, kutubxonada 230 mingdan ortiq kitoblar mavjud. Institut tashkil etilgandan buyon 18 mingdan ortiq yuqori malakali mutaxassis va bakalavrlar tayyorlandi.

  Qarshi muhandislik-iqtisodiyot institutida 5 ta talabalar turar joylari mavjud, unda bugungi kunda 905 nafar talaba-yoshlar yashamoqda.

• 1-sonli TTJ 205 o‘ringa mo‘ljallangan 228 nafar talaba;
•  2-sonli TTJ 120 o‘ringa mo‘ljallangan 120 nafar talaba;
•  3-sonli TTJ 130 o‘ringa mo‘ljallangan 128 nafar talaba;
• 4-sonli TTJ 130 o‘ringa mo‘ljallangan 125 nafar talaba;
• 5-sonli TTJ 320 o‘ringa mo‘ljallangan 300 nafar talabalar yashamoqda.

  Talabalarning TTJlarga bo‘lgan ehtiyoji 1400 nafarni tashkil etmoqda. 

    Qarshi muhandislik-iqtisodiyot instituti ayni paytda 110 dan ortiq xorijiy ta’lim muassasalari bilan ta’lim va ilmiy tadqiqot sohasida hamkorlik shartnomalari va almashinuv memorandumlari tuzib, ular bilan faol ishlab kelmoqda. Institut Rossiya, AQSH, Germaniya, Turkiya, Latviya, Gretsiya, Litva, Portugaliya, Ruminiya, Polsha va boshqalar mamlakatlarning oliy o‘quv yurtlari bilan hamkorlik qiladi. Xususan; Belorusiya Davlat Texnika Universiteti, Ispaniyadagi La Laguna universiteti va boshqalar. Institutda talabalarning dam olish oromgohi, sog‘lomlashtirish markazi, sport saroyi mavjud.

  Qarshi muhandislik-iqtisodiyot instituti quyidagi ijtimoiy tarmoqlarda faol faoliyat olib boradi: 

• Instagram
• Telegram 
• Twitter
• Facebook
• You tube  

   Mazkur universitet yuzasidan sizda savol va takliflar tug‘ilgan bo‘lsa, quyidagi manzilga va raqamlarga murojaat qilishingiz mumkin:  

• Telefon: (75) 221-09-23;
• Elektron pochta qmii@qmii.uz;
• Rasmiy sayt: qmii.uz;
• Manzil: Qashqadaryo viloyati, Qarshi shahri, Mustaqillik shoh ko‘chasi, 225-uy. 

   Bizni kuzatishda davom eting Ta’lim telekanali ta’limdagi eng so‘nggi yangiliklarni har doim siz bilan bo‘lishishga tayyor! 

                                                      Ma’mura To‘rayeva tayyorladi