Kitob mutolaasini keng tarğib qiliş va yoşlarning adabiyotga qiziqişini oşirişga qaratilgan “Kitobxonlik festivali” Surxondaryoda bölib ötdi. Tadbirda ta’lim sohasi mas’ullari, hududiy bolalar kutubxonalari vakillari, kitobsevar öquvçilar va ota-onalar iştirok etdi.

Festival doirasida beşta körik-tanlov ötkazildi: “Eng kitobxon maktab”, “Eng faol kitobxon öquvçi”, “Ijodkor bolalar”, “Eng kitobxon oila” va “Eng faol kutubxonaçi”. Tanlovlar ğoliblari tantanali ravişda taqdirlandi.

Ğoliblar

• “Ijodkor bolalar” — Termiz tumanidagi 8-sonli maktabning 11-sinf öquvçisi Muxammadiyeva Umida;
• “Eng faol kitobxon maktab” — Qumqörğon tumanidagi 70-sonli maktabning “Zukko kitobxon” jamoasi;
• “Eng faol kutubxonaçi” — Şerobod tumanidagi 36-sonli maktab kutubxonaçisi Normamatova Ruxiya;
• “Eng faol kitobxon öquvçi” — Oltinsoy tumanidagi 20-sonli maktabning 10-sinf öquvçisi Şaymardonova Latofat.

Şuningdek, maktab kutubxonalari faoliyatini jonlantirişda taşabbus körsatgan bir guruh kutubxonaçilar ham munosib rağbatlantirildi.

Körik-tanlovlarga viloyat böyiça 190 mingga yaqin öquvçi jalb etildi, 12 nafar ğolib öquvçi esa munosib rağbatlantirildi. Festival davomida namoyiş etilgan badiiy çiqişlar va kuy-qöşiqlar tadbirga bayramona ruh bağişladi.

Bunday tadbirlar bolalarda kitobga muhabbat uyğotişda va maktab kutubxonalarini qayta jonlantirişda muhim ahamiyatga ega.

Manba: Ta'lim va ilm-fan vazirligi