So'nggi yangiliklardan xabardor bo'ling
Bizning Telegram-kanalimizga obuna bo'ling
O‘zbekistonda kuchli iqtisodchilarni, menejment va moliya sohasidagi kuchli kadrlarni tayyorlab beradigan oliy ta’lim haqida bilasizmi?
Agar siz javob berishga ikkilanayotgan bo‘lsangiz, shoshilmang maqola bilan tanishish natijasida siz bir qancha yangiliklarni bilib olishingiz mumkin.
Toshkent davlat iqtisodiyot universitet tarixiga to‘xtaladigan bo‘lsak mamlakatda iqtisodchi mutaxassislarga talab ortib borayotganligi uchun 1931-yil 13-avgustda sobiq Ittifoq xalq komissarlari Kengashi qaroriga asosan Turkiston davlat universitetining iqtisodiyot va jamiyatshunoslik fakultetlari bazasida O‘rta Osiyo moliya-iqtisodiyot instituti tashkil etildi. 1931-yil 1-sentyabrida institut rasman ish faoliyatini boshladi.
O‘tgan davrda institut o‘zining o‘quv-uslubiy, ilmiy-tadqiqot va tarbiyaviy ishlarini takomillashtirib, tinimsiz mukammallashtirib bordi. 1939-yilda institut qoshida dastlabki aspirantura tashkil etilib, unda besh kishi o‘qigan bo‘lsa 5 yilda bu ko‘rsatkich 42 nafarga yetdi.
Leningrad Hisob-iqtisod instituti Toshkent moliya-iqtisodiyot institutiga 1946-yil Ikkinchi jahon urushi yillarida Olmaotaga evakuatsiya qilinishi oqibatida qo‘shilgan. Natijada ikkita yangi kredit-iqtisod va buxgalteriya hisobi-iqtisod fakulteti ochilgan. Mamlakatdagi jiddiy vaziyat tufayli institutda moliya-bank tizimlari uchun kadrlar tayyorlashga katta e’tibor berilgan.
1991-yil 19-iyundan boshlab hozirgacha universitetda Iqtisodiyot, Buxgalteriya hisobi va audit, Korporativ boshqaruv, Iqtisodiyotda axborot tizimlari va Xalqaro turizm fakultetlari, Magistratura va Sirtqi bo‘limi, hamda 24 ta kafedra faoliyat olib bormoqda.
1993-yil Samarqand shahrida universitet filiali tashkil etilgan. 2024-yil davlat rahbari Shavkat Mirziyoyevning qaroriga muvofiq Toshkent davlat iqtisodiyot universiteti tarkibiga Toshkent moliya instituti va Davlat soliq qo‘mitasi huzuridagi Fiskal institut qo‘shildi.
Universitet jamiyatga bir qancha salohiyatli kadrlar tayyorlab bergan nufuzli oliy ta’lim muassasalari tarkibiga kiradi. Jumladan Yorqul Abdullayev, Islom Karimov, Fayzulla Mullajonov, Turobjon Jo‘rayev, Jahongir Ortiqxo‘jayev, Otabek Umarov, Erkinjon Turdimov kabi bir qancha kuchli iqtisodchilar aynan shu universitetning bitiruvchilari hisoblanadi.
Universitetda xorijiy oliy ta’lim muassasalari bilan muntazam aloqa yo‘lga qo‘yilgan. 1991-2019 yillarda universitetda 200 dan ortiq xorijlik talabalar tahsil olib, 700 dan ortiq xorijlik professor o‘qituvchilar faoliyat olib borgan.Agar sizda shu oliy ta’lim muassasada tahsil olib, kuchli iqtisodchi bo‘lish istagi paydo bo‘lgan bo‘lsa, albatta siz universitetning bakalavriat, sirtqi va magistratura bosqichlarida qaysi yo‘nalishlar borligi bilan tanishib chiqishingiz kerak.
Bakalavriat yo‘nalishlari:
Sirtqi yo‘nalishlar:
Magistratura yo‘nalishlari:
Bugun bu universitet talabalari bemalol aynan shu universitetni tanlab adashmaganligini bir necha bor e’tirof etishdi. Toshkent davlat iqtisodiyoti universiteti Markaziy Osiyo OTMlari orasida 23 o‘rinni, O‘zbekiston OTMlari orasida 3 o‘rinni qayd etib turgandan keyin faxrlanmay bo‘ladimi.
Sizda shu universitet talabasiga aylanish ishtiyoqi rostdan paydo bo‘lgan bo‘lsa bir yillik kontrakt narxlari bilan ham tanishib qo‘yganingiz ma’qul. Chunki, Toshkent davlat iqtisodiyot universitetida shartnomalar yo‘nalishlarga qarab baholanadi, eng kam kontrakt narxi: 7 091 940 bo‘lsa, eng yuqori kontrakt narxi:16 023 820 ni tashkil etadi.
Agar sizda yana qo’shimcha savollar tug’ilgan bo’lsa quyidagi manzilga yoki raqamlarga murojaat qilishingiz mumkin.
Manzil:
100066, O'zbekiston, Shahar: Toshkent, Tuman: Chilonzor, Islom Karimov ko'chasi (sobiq O'zbekiston shoh ko'chasi), 49
Siz o‘zingizni qiziqtirgan oliy ta’lim muassasasi haqida oz bo‘lsa-da ma’lumot bera oldik degan umiddamiz. Bizni kuzatishda davom eting Ta’lim telekanali ta’limdagi eng so‘nggi yangiliklarni har doim siz bilan bo‘lishishga tayyor!
#Oliygohlar