Умумий маълумотлар

   Буюк Британиянинг энг нуфузли Кембриж университети 800 йилдан ортиқ вақт давомида кўплаб кашфиётларга сабаб бўлган тадқиқотларини олиб бормоқда. Унинг талабалари ва тадқиқотчилари инновацион янгилик яратишга, дунёдаги ўзгаришларга ижобий ҳисса қўшишга интилувчи олимлардан иборат. Кембриж университети томонидан бепул онлайн курслар тақдим этилади.

   Дастурдан асосий мақсад бутун дунё бўйлаб ёшларни таълим олиш, ўрганиш ва тадқиқот қилишга интилишга рағбатлантиришдан иборат. Бундан ташқари, университет бутун дунё бўйлаб ўқувчиларга Кембрижнинг билим ва кашфиётга бўлган иштиёқидан баҳраманд бўлиш имкониятини беради.

Дастур доирасида қуйидаги курслар тақдим этилмоқда:

• Foundations of Finance;
• The Psychology of Emotions: An Introduction to Embodied Cognition;
• Introduction to Cognitive Psychology and Neuropsychology;
• Financial accounting and capital маркетс;
• Learning and memory in the brain: a guide for teachers;
• Building your Screenplay;
• Станд Уп!; Comedy Writing and Performance Poetry;
• Digital Platforms in Performance;
• Building stakeholder value;
• Finding your voice as a playwright;
• Writing successfully for the Stage;
• Business Success in the Screen Industries;
• Reconceiving Space: Installation and Performance Art;
• Forensic Science: DNA Analysis;
• The Neuropsychology of Decision Making.

Маълумот учун: Университетда олиб борилган атомни парчалашга ва ДНК тузилишини тушунишга олиб келган кашфиётлар бугунги кунда иқлим ўзгаришини юмшатишдан тортиб, кейинги пандемиянинг олдини олиш ва ижтимоий тенгсизликларни ҳал қилишгача бўлган дунёдаги энг долзарб муаммоларни ҳал қилишга ёрдам беради. Глобал миқёсдаги хилма-хил фикрга эга одамлардан иборат ҳамжамиятга эга бўлган университетда 100 дан ортиқ мамлакатлардан 19 000 дан ортиқ талабалар таълим олади. Ҳозирда бутун дунё бўйлаб 200 000 нафар битирувчилари мавжуд.

Мақбуллик шартлари

• Ёши ва келиб чиқишидан қатъи назар дастурга қизиққан барча қатнашиши мумкин;
• Инглиз тилини дастурда қатнашиш даражасида билиш лозим;
• Номзодлар танланган курс бўйича бошланғич билимга эга бўлишлари керак.

Эслатма: Юқоридагилар номзодларга қўйилган умумий талаблардир. Шунинг учун танланган курснинг ички талаблари билан ҳам танишиб чиқиш лозим.

Фойдали томонлари

• Иштирокчилар танланган курсларни исталган пайтда бепул ўрганишлари мумкин;
• Дастур масофавий (онлайн) шаклда ўтказилади;
• Курслар университетнинг энг маҳоратли профессорлари томонидан олиб борилади.

Муҳим: Курс қатнашчилари маълум миқдордаги тўловни амалга ошириш орқали Кембриж университети томонидан расмий тасдиқланган сертификатга эга бўлишлари мумкин.

Ҳужжат топшириш

   Дастурда қатнашишни истаганлар ушбу ҳавола орқали керакли курсни танлаб ариза топшириши мумкин.

Эслатма: Ариза тўлиқ инглиз тилида тўлдирилиши керак.