Умумий маълумотлар

Франциянинг Лион шаҳридаги ENS de Lyon университети халқаро талабаларга магистратура босқичида ўқиш учун Ampere Scholarship of Excellence дастурини эълон қилади. Ушбу грант, асосан, аниқ фанлар, санъат, гуманитар фанлар ва ижтимоий фанлар соҳаларида ўқишни хоҳлайдиган халқаро талабалар учун мўлжалланган. Дастур 12 ой давом этади ва грант соҳибларига 12 ой давомида ҳар ой 1,000 евро миқдорида стипендия берилади. Дастурга 26 ёшдан ошмаган, бакалавр босқичининг камида 3-курсини тамомлаётган ва инглиз ёки француз тилларидан бирини биладиган Францияда ташқари барча давлат фуқаролари ариза топширишлари мумкин.

Дастурга қабул жараёни 2024 йил 6 ноябрдан 2025 йил 1 февраль Ўзбекистон вақти билан соат 03:59 гача давом этади.

Мақбуллик шартлари

Дастурда иштирок этиш учун қуйидаги талаблар мавжуд:

• Дастурда Франция давлати фуқароси бўлмаган барча иштирок этиши мумкин;
• Иштирокчилар 26 ёшдан ошмаган бўлиши, яъни 1999 йил 1 январдан кейин туғилган бўлиши керак;
• Магистратуранинг биринчи босқичида ўқиш учун ариза топшириш вақтида номзодлар бакалавр босқичининг камида 3-босқичини тамомлаган, иккинчи босқичида ўқиш учун эса магистратуранинг камида биринчи босқичини якунлаган бўлиши керак;
• Номзодлар учун тил талаблари улар танланган йўналишларга қараб фарқ қилади. Баъзи йўналишларда тил сертификати талаб қилинмайди, баъзи йўналишларда эса француз ёки инглиз тилини билиш даражасини кўрсатувчи B1, B2 ва C1 сертификатлари сўралади. Давлат тили инглиз/француз бўлган давлатда ёки инглиз/француз тилида ўқиган номзодлардан сертификат талаб қилинмайди.

Дастур талаблари ҳақида ушбу ҳавола орқали батафсил маълумот олиш мумкин.

Фойдали томонлари

• Номзодлар бир йил давомида Францияда магистратура босқичида бепул ўқиш имконига эга бўлишади;
• Грант соҳибларига 12 ой давомида ҳар ой 1,000 евро миқдорида стипендия берилади. Стипендия дастур давомида 3 марта, октябрь охирида (4 ойлик), февралда (4 ойлик), майда (4 ойлик) тўланади.

Эслатма! Дастурнинг иккинчи йилида ҳам, аниқроғи, магистратуранинг биринчи йилини тугатиб, иккинчи йилини ҳам ўқимоқчи бўлган номзодлар иккинчи йил қайта ариза топширишлари мумкин. Улар магистратура бўлими бошлиғи томонидан саралаб олинади.

Ҳужжат топшириш

Ариза топшириш жараёни қуйидагича:

1. Дастур шартлари билан танишиб чиқинг;
2. Керакли ҳужжатларни тайёрланг;
3. Тегишли университет ва йўналишни танланг;
4. Қуйидаги университетлардан бирига онлайн ариза топширинг:

-ЭНС де Лён университетига ушбу ҳавола орқали ариза топшириш мумкин;

-Université Claude Bernard Lyon 1 университетига ушбу ҳавола орқали ариза топшириш мумкин;

-Université Jean Monnet университетига ушбу ҳавола орқали ариза топшириш мумкин.

Дастурда рўйхатдан ўтиш жараёнида қуйидаги ҳужжатлар талаб қилинади:

• Паспорт ёки ID;
• Мотиватсион хат;
• CV;
• Диплом ва унинг транскрипцияси (инглиз ёки француз тилида бўлиши керак, бошқа тилда бўлса, ушбу тилларга таржима қилиб топширилиши керак);
• Тегишли йўналишдан рўйхатдан ўтганлигини исботловчи ҳужжат;
• Номзоднинг танлаган йўналишига қараб, бошқа қўшимча ҳужжатлар ҳам сўралиши мумкин.

Эслатма! Ариза топширишдан олдин, дастур талаблари ва рўйхатдан ўтиш жараёни билан батафсил танишиб чиқинг. Ҳали ўқишни тугатмаган ва дипломини олмаган номзодлар дипломларини ўқув йили олдидан топширишлари мумкин. E-mail орқали ёки муддатидан кейин топширилган аризалар қабул қилинмайди.

Дастур доирасида мавжуд йўналишлар билан ушбу ҳавола орқали танишиш мумкин.

Манба: https://t.me/grantgouz/7451