Умумий маълумотлар
АҚШда жойлашган Woods Hole океанография институти океан ва муҳандислик фанлари соҳасидаги бакалавриат талабалари учун Summer Student Fellowship тадқиқот дастурини тақдим этади.

Стипендиялар университет томонидан белгиланган махсус ходимларнинг раҳбарлигида мустақил тадқиқот лойиҳасини амалга ошириш учун берилади. Дастур йўналишига қараб 10-12 ҳафтагача давом этиши режалаштирилган.

Дастурдан асосий мақсад ёшларни океан фани ва муҳандислик асослари билан таништириш ҳамда океанографиянинг илғор усулларини ўргатишдан иборат. Иштирокчилар дастур давомида илғор океанографик асбоблар ва технологиялар билан боғлиқ маълумотларни тўплаш ва намуна олиш техникасини ўрганиб тажрибада синаб кўрадилар.

Мақбуллик шартлари

• Иштирокчилар дастур бошлангунга қадар:
• 4 йиллик бакалавриат дастурининг 3-курсини тамомлаган;
• 3 йиллик бакалавриат дастурининг 2-курсини тамомлаган;
• 5 йиллик бакалавриат дастурининг 3-курсини тамомлаган бўлиши керак.
• Инглиз тилини дастурда қатнашиш даражасида билиш лозим;
• Номзодлар океан фанлари, океанографик муҳандислик ёки денгиз сиёсати фанларига қизиқиши керак;
• Илм-фан ёки муҳандислик соҳаларида, жумладан, биология, кимё, муҳандислик, геология, геофизика, математика, метеорология, физика, океанография ва денгиз сиёсати соҳаларида таҳсил олаётган талабаларга устунлик берилади;
• Саралашда номзоднинг қизиқишлари, аввалги илмий ютуқлари ва келажакдаги мақсадлари инобатга олинади.

Эслатма: Бакалавриат босқичини битирган ёки охирги курс талабалари иштирок этолмайди.

Фойдали томонлари

• Ҳафтасига 700 АҚШ доллар миқдорида стипендия берилади;
• Саёҳат харажатлари учун 700 АҚШ доллар пул ажратилади;
• Тураржой билан таъминланади;
• Тегишли соҳадаги 200 дан ортиқ тадқиқот ишлари билан танишиш имконияти;
• Илмий раҳбар томонидан тадқиқот лойиҳасини танлаш ва давом эттиришга ёрдам берилади;
• J-1 визасини олишда ёрдам берилади (виза олиш учун тил билиш сертификати сўралади).

Муҳим: Халқаро талабалар стипендия тўлови, саёҳат харажатлари ва тураржой тўловлари учун даромаднинг 14 фоизи кўринишида солиқ тўлашлари керак. Ушбу солиқ уларнинг стипендияларидан ушлаб қолинади.

Ҳужжат топшириш
Дастурда қатнашишни истаганлар ушбу ҳавола орқали рўйхатдан ўтиб, ариза топширишлари мумкин.

Талаб қилинадиган ҳужжатлар:

• CВ/резюме;
• Академик транскриптлар;
• Тадқиқот баёни;
• 2 та тавсиянома.

Қўшимча маълумотлар

• Дастурга ҳужжат топшириш учун охирги муддат: 6 февраль, 2025 йил;
• Натижалар март ойининг ўрталарида эълон қилинади.

Манба: https://t.me/grantgouz/7415