Қонунчиликка кўра, малакали ўқитувчилар етарли бўлган қуйидаги ҳолларда синфдаги ўқувчиларни икки гуруҳга бўлиб ўқитишга рухсат этилади:

ўқувчилар сони 25 нафар ва ундан зиёд бўлган умумий ўрта таълим муассасаларининг 1-11 синфларида "Чет тили" фани;

айрим фанларга ихтисослаштирилган умумий ўрта таълим муассасаларида ихтисослашган фанлар;

5-11 синфларда "Информатика ва ахборот технологиялари":

8-11 синфларда "Жисмоний тарбия";

5-9 синфларда "Технология":

10-11 синфларда "Чақирувга қадар бошланғич тайёргарлик" фанлари:

таълим тили ўзбек тили бўлмаган умумий ўрта таълим муассасаларининг 2-11 синфларида "Ўзбек тили" фани;

таълим тили рус тили бўлмаган умумтаълим муассасаларининг 2-11 синфларида "Рус тили" фани.