Ўзбекистон Республикаси Халқ таълими вазирлиги томонидан белгиланган қоидаларга кўра, ўқитувчилар Emaktab.uz платформасида ўз вақтида дарс натижаларини белгилашлари шарт. Ушбу вазифаларни ўз вақтида бажармаслик натижасида ўқитувчиларга дарс учун ҳақ тўланмаслиги мумкин.

Асосий талаблар

Ўқувчиларни баҳолаш:

• Дарсда қатнашган ўқувчиларнинг 30% баҳоланиши шарт.
• "Дарс ўтилди" қайди платформада белгиланиши лозим.

Баҳолашнинг муддатлари:

• 1 сменали мактаблар учун: Дарсни баҳолаш 9:00 дан 21:00 гача амалга оширилиши керак.
• 2 сменали мактаблар учун: Жорий дарсдан кейинги кун 13:00 гача баҳоланиши лозим.

Баҳолаш ва қайд белгиланмаган ҳолатлар:

• Белгининг ўз вақтида қўйилмаслиги ёки ўқувчиларни баҳоламаслик ўқитувчини дарс ўтмаган деб ҳисоблашга олиб келади.
• Ушбу дарс учун ўқитувчига ҳақ тўланмайди.

Синф раҳбарининг вазифалари

• Ҳар кунлик давоматни "Бир кунлик журнал"га киритиш.
• Қуйидаги белгиларни қўллаш:

с: Ҳеч қандай сабабсиз дарс қолдириш.
дқ: Сабабли дарс қолдириш.
к: Касаллик сабабли дарс қолдириш.
кқ: Дарсга кечикиш.
м: Сурункали дарс қолдириш.
ч: Республика ташқарисига рухсатсиз чиқиб кетиш.
қ: Ота-онанинг қаршилиги сабабли таълим олмаслик.
нс: Ота-она назоратсизлиги сабабли дарсга келмаслик.
тқ: Турмушга чиқиш сабабли дарсга келмаслик.

Фан ўқитувчиларининг вазифалари

• Дарс бошланишида ўқувчиларнинг давоматини онлайн тарзда белгилаш.
• с: Ҳеч қандай сабабсиз дарс қолдиришни белгилаш.
• кқ: Дарсга кечикишни белгилаш (баҳолаш мумкин).

Синф раҳбари учун қўшимча талаб
Синф журналларида ўқувчилар исми ва фамилияси таълим тилига мос ёзувда (кирилл ёки лотин) киритилиши керак.

Хулоса

Агар ўқитувчилар ўз вақтида:

• Баҳолашни бажармаса,
• “Дарс ўтилди” қайди қўйилмаса,ушбу дарс учун уларга ҳақ тўланмайди.

Мазкур қоидалар дарсларнинг тартибли ва сифатли ташкил этилишини таъминлашга қаратилган.

Манба: https://t.me/oliygoh_grantlar/8361