Абу Райҳон Беруний номидаги Урганч давлат университетининг ташкил топиши ўзига хос тарихга эга. Тарихга назар соладиган бўлсак, 1935 йилнинг 9 ноябрь санасида Урганч шаҳрида Хоразм ўқитувчилар тайёрлаш институти очилган. 1942 йилнинг биринчи сентябрь санасидан эътиборан эса бу муассаса Хоразм давлат педагогика институти сифатида фаолият юрита бошлаган.

    Ўзбекистон Республикаси Президентининг 1992 йил февраль ойида эълон қилинган фармонига асосан, Хоразм давлат педагогика институтига университет мақоми берилиб, Урганч давлат университети (УрДУ) ташкил этилган.

   Ҳозирда Урганч давлат университетида 11 та факультет, магистратура ва сиртқи бўлимларда талабалар таълими йўлга қўйилган бўлиб, жами 41 та кафедраларда минг нафардан зиёд профессор-ўқитувчилар фаолият кўрсатиб келмоқда.

  Университетда 76 та бакалавр таълим йўналиши, 37 та магистратура мутахассисликлари ва 8 та қўшма таълим дастурларида жами  30 минг нафардан ортиқ талабалар қуйидаги факультетларда таҳсил олишади:

• Физика - Математика факультети;
• Филология факультети;
• Техника факультети;
• Педагогика факультети;
• Табиий фанлар факультети;
• Тарих факультети;
• Туризм ва иқтисодиёт;
• Кимёвий технологиялар;
• Санъатшунослик факультети.

  Урганч давлат университети хорижий олий таълим муассасалари билан таълим ва илмий соҳада ҳамкорлик алоқалар географиясини кенгайтириш мақсадида 30 та мамлакатнинг нуфузли 80 дан ортиқ олий таълим муассасалари билан шартнома имзолаб, ҳамкорлик қилиб келмоқда. Ўқув жараёнларига Россия, АҚШ, Украина, Полша, Словения, Корея, Эрон ва Белорус Республикаси каби қатор давлатларнинг олий таълим муассасалари профессор-ўқитувчилари жалб қилинмоқда.

   Бугунги кунда университетда 7 та талабалар турар жойлари мавжуд бўлиб, 3 100 ўринга мўлжалланган. Ётоқхонанинг ҳар бир қавати 1 та телевизор, 4 та совутгич, 4 та электр плита, 2 та кир ювиш машиналари билан жиҳозланган. Ушбу ётоқхонада талабаларнинг яшаши билан биргаликда, бўш вақтини мазмунли ташкил қилиш, уларни касб-ҳунар ва тадбиркорликка ўқитишни ташкил қилиш учун барча шарт-шароитлар яратилган.

  Университетда ёшлар бандлигини таъминлаш, уларни касб-ҳунарга ўргатиш мақсадида coworking (коворкинг), ахборот ресурс ва ҳунармандчилик марказлари фаолияти ҳам йўлга қўйилган.

Урганч давлат университети қуйидаги ижтимоий тармоқларда фаол фаолият олиб боради:

• Telegram
• Facebook
• Instagram
• You tube
• Расмий сайт
• Twitter
• Linkedin

  Агар сизда қўшимча савол ва таклифлар бўлса, қуйидаги манзилга ва рақамларга мурожаат қилишингиз мумкин:

• Манзил: Ўзбекистон, Урганч шаҳар, 220100, Ҳамид Олимжон кўчаси, 14-уй;
• Телефон: +998 62 224 6700;
• Эмаил: info@urdu.uz;
• Транспорт: Автобус 7, 13, 28.

   Бизни кузатишда давом этинг Таълим телеканали таълимдаги энг сўнгги янгиликларни ҳар доим сиз билан бўлишишга тайёр!

Маъмура Тўраева тайёрлади