Хорижий ва нодавлат ОТМ талабалари грант имтиҳони натижалари 12-ноябрда эълон қилинади
Расм сунъий интеллект ёрдамида яратилган
Билим ва малакаларни баҳолаш агентлиги матбуот котибининг маълум қилишича, хорижий ва нодавлат олий таълим муассасалари талабалари учун ўтказилган саралаш имтиҳонининг натижалари 12-ноябр куни эълон қилинади. Axmadjanov.uz Telegram канали бу ҳақда биринчи бўлиб хабар берган.
Маълумотларга кўра, имтиҳон 28-октябр куни бўлиб ўтган. Унда 2 900 нафардан ортиқ талаба қатнашган. Тартиб-қоидани бузгани учун икки нафар талабгор имтиҳондан четлатилган.
Грант қандай тақсимланади?
Жами 1 452 та давлат гранти ажратилган. Имтиҳонда минимал ўтиш балидан кам бўлмаган балл тўплаган талабгорлар натижалар кетма-кетлиги асосида, ажратилган квота доирасида давлат грантига тавсия этилади. Яъни асосий мезон балл ва ўрин, квота эса чегара вазифасини бажаради.
Давлат гранти ҳисобига ўқиш имконияти кўплаб талабалар учун муҳим ҳисобланади. Шу сабабли имтиҳонда қатнашганлар натижаларни расмий каналлардан кузатиб боришлари ва грант бўйича талаблар билан олдиндан танишиб чиқишлари тавсия этилади.
