Alohida ehtiyojli bolalar uçun korreksion sinf oçgan nodavlat maktablarga subsidiya beriladi
Rasm sun’iy intellekt yordamida yaratilgan
Hukumat qarori bilan alohida ta'lim ehtiyojlari bölgan bolalar uçun korreksion sinflar oçgan nodavlat ta'lim taşkilotlariga subsidiya ajratiş tartibi tasdiqlandi. Tegişli qaror 12-noyabrdagi 619-son bilan qabul qilingan.
Korreksion sinflar rivojlanişida nuqsoni bölgan yoki maxsus yordamga muhtoj bolalar uçun individual yondaşuv asosida taşkil etiladi. Endi bunday sinflarni oçgan nodavlat taşkilotlar davlatdan moliyaviy qöllab-quvvatlaş oladi.
Subsidiya har bir bola uçun oylik hisobda ajratiladi va miqdori hudud böyiça farqlanadi. Toşkent şahrida BHMning 11 baravari, ya'ni 4 mln 840 ming söm; viloyat markazlari va Nukus şahrida BHMning 9,5 baravari, ya'ni 4 mln 180 ming söm; boşqa tuman va şaharlarda BHMning 8,5 baravari, ya'ni 3 mln 740 ming söm miqdorida subsidiya beriladi.
Muhim şart
Bitta korreksion sinfda öquvçilar soni 12 nafardan oşmasligi kerak. Bu talab har bir bolaga yetarli e'tibor berilişini ta'minlaşga qaratilgan.
Qanday rasmiylaştiriladi?
Korreksion sinf oçiş böyiça bitim tuziş uçun nodavlat ta'lim taşkilotlari "YMIH" axborot tizimi orqali hududiy boşqarmaga ariza beradi. Ya'ni jarayon elektron tarzda boşlanadi.
Ota-onalar va taşkilotlar qöşimça tafsilotlar uçun hududiy ta'lim boşqarmasiga murojaat qilişlari mumkin.
