O'zbekiston milliy pedagogika universiteti

Nizomiy nomidagi Toshkent davlat pedagogika universiteti (TDPU) MDH mamlakatlari pedagogika oliy ta’lim muassasalari orasida yetakchilardan biri sifatida e’tirof etilgan nufuzli oliygoh. Universitet Toshkent shahrida joylashgan bo‘lib, o‘qituvchi va tarbiyachi kadrlarni tayyorlashda uzoq yillik an’analarga ega.

Tarixi

Universitet 1935-yil 14-sentyabrda O‘zbekiston Respublikasi xalq maorifi komissarligining qarori bilan O‘rta Osiyo universitetining pedagogika fakulteti zamirida tashkil etilgan. 1953–1998-yillarda Toshkent pedagogika instituti nomi bilan faoliyat yuritgan, 1947-yildan esa ozarbayjon shoiri va ma’rifatparvari Nizomiy nomi bilan ataladi. 1998-yil 24-fevralda unga universitet maqomi berilgan. Universitet bitiruvchilari orasida ilm-fan, san’at va adabiyot arboblari ko‘p.

Fakultetlar va yo‘nalishlar

Hozirda universitetda 52 ta kafedra va 14 ta fakultet faoliyat yuritadi. Fakultetlar qatorida matematika, fizika, tabiiy fanlar, musiqiy ta’lim, badiiy grafika, pedagogika, psixologiya, boshlang‘ich ta’lim, defektologiya, o‘zbek tili va adabiyoti, tarix, chet tillar, rus va koreys filologiyasi hamda chaqiriqqacha harbiy ta’lim bor. Yo‘nalishlar ro‘yxati pastdagi jadvalda keltirilgan.

Nima uchun tanlash kerak

• Universitetning umumiy maydoni 223 505 m² bo‘lib, shundan 97 606 m² yashil hudud.
• Barcha o‘quv binolari, laboratoriyalar, axborot resurs markazi, elektron kutubxona, axborot texnologiyalari markazi, sport kompleksi va muzey talabalar ixtiyorida.
• 2023-yilda 1500 o‘rinli talabalar turar joyi foydalanishga topshirilgan.
• Universitet bitiruvchilari dunyoning turli mamlakatlarida ta’lim tizimini rivojlantirishda faol ishtirok etmoqda.
• Universitetda O‘zbekiston Fanlar akademiyasi, Qozog‘iston gumanitar fanlar akademiyasi va Rossiya ta’lim akademiyasining muxbir a’zolari ishlaydi.