Toshkent shahridagi Singapur menejmentni rivojlantirish instituti

Toshkentdagi Singapur menejmentni rivojlantirish instituti (TSMRI) O‘zbekistonda Buyuk Britaniya universitetlari bilan hamkorlikda ta’lim dasturini yo‘lga qo‘yib, shu darajadagi diplomlar beradigan kam sonli oliy ta’lim muassasalaridan biridir. Universitet turizm va biznes yo‘nalishida respublikada yetakchi kadrlarni tayyorlab beradi.

Tarixi

2007-yil yanvar oyida O‘zbekiston Respublikasining birinchi Prezidenti I.Karimov Singapur Respublikasiga davlat tashrifi bilan borgan. Tashrif chog‘ida ikki mamlakat hamkorligini kengaytirish masalalari muhokama qilindi. Keyinchalik tomonlar O‘zbekiston hududida o‘quv dasturlarini yaratish va ushbu sohani rivojlantirishga e’tibor qaratdi. Shundan so‘ng O‘zbekiston Respublikasi Prezidentining 2007-yil 5-sentabrdagi PQ-691-sonli qaroriga muvofiq institut tashkil etildi.

2015-yil aprel oyida TSMRI Xalqaro Standartlashtirish Tashkiloti tomonidan berilgan ISO 9001:2008 sifat sertifikatini olgan, mamlakatda shunday xalqaro sifat sertifikatiga ega birinchi oliy o‘quv yurti hisoblanadi.

Fakultetlar va yo‘nalishlar

Institut bakalavr va magistratura dasturlarini taqdim etadi. Asosiy akademik yo‘nalishlar:

• Tadbirkorlik va menejment
• Biznes va marketing
• Bank va moliya
• Buxgalteriya va moliya
• Biznesda hisob-kitob
• Xalqaro mehmondo‘stlikni boshqarish

Dastur yakunida talabalarga topshiriladigan sertifikatlar O‘zbekiston Respublikasi Oliy va o‘rta maxsus ta’lim vazirligi tomonidan tan olingan hamda xalqaro miqyosda e’tirof etiladi.

Nima uchun tanlash kerak

• Buyuk Britaniya universitetlari bilan hamkorlikda tayyorlangan akademik dasturlar va xalqaro tan olingan sertifikatlar;
• Professional rivojlanish uchun amaliy imkoniyatlar, jumladan mehmonxona amaliyot laboratoriyasi;
• O‘zbekistonning turli hududlari va chet eldan kelgan talabalar uchun 140 o‘rinli yotoqxona hamda 24 soatlik xavfsizlik xizmati;
• Zamonaviy o‘quv va ma’ruza xonalari, kompyuter laboratoriyalari, tennis korti, yopiq suzish havzasi, basketbol va voleybol maydonlari, trenajyor zali;
• Singapur, Amerika, Turkiya, Buyuk Britaniya va boshqa mamlakatlardan kelgan taniqli professor-o‘qituvchilar;
• Talabalarga ajratilgan grantlar va imtiyozlardan foydalanish imkoniyati; ijtimoiy faol talabalar 4 yillik shartnoma uchun to‘lovni qo‘lga kiritishlari hamda o‘qish bilan birga ish faoliyatini olib borishlari mumkin.