AQShning yangi administratsiyasi USAID grant dasturlarini moliyalashtirishni “muzlatishi” oqibatida O‘zbekistondagi qator fuqarolik jamiyati institutlari loyihalari to‘xtab qoldi.

   O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi direktori Otabek Husanov bunday loyihalarni davom ettirish uchun sharoit yaratilishini bildirdi.

   Uning aytishicha, xorijiy grantlar bilan bog‘liq muammolarga duch kelgan tashkilotlar uchun fond 2025-yilda alohida dastur joriy etishga tayyor.