Prezident maktablari öquvçilari Pearson Edexcel imtihonlarida 16 ta xalqaro mukofot oldi
Prezident maktablari tarixida ilk bor öquvçilar nufuzli xalqaro mukofotlarga sazovor böldi. Vazirlik ma’lumotiga köra, 15 nafar öquvçi Pearson Edexcel International GCSE xalqaro imtihonlarida körsatgan yuqori natijalari uçun jami 16 ta mukofot bilan taqdirlangan.
Imtihonlar 2026-yil iyun oyida ötkazilgan. Ulardan 10 tasi jahon miqyosida eng yuqori ball — «Highest Mark in the World» nominatsiyasida qayd etilgan: 8 tasi fizika, 2 tasi biologiya fanlari böyiça. Yana 6 ta natija Özbekiston böyiça eng yuqori ball — «Highest Mark in Uzbekistan» nominatsiyasida e’tirof etilgan: 4 tasi matematika, 2 tasi kimyo böyiça.
«Outstanding Pearson Learner Awards» mukofoti har yili Pearson Edexcel imtihonlarida alohida fanlar böyiça eng yuqori natija körsatgan öquvçilarga beriladi. Joriy yilda 85 ta mamlakatdagi 740 ta maktabning 2700 nafardan ortiq öquvçisi bu e’tirofga sazovor bölgan.
Pearson — Buyuk Britaniyaning yetakçi xalqaro ta’lim kompaniyalaridan biri. Uning Edexcel dasturlari 80 dan ortiq mamlakatda öqitiladi, International GCSE sertifikatlari esa köplab nufuzli universitetlar tomonidan tan olinadi.
Vazirlik bu natijalarni yoşlarga sifatli ta’lim beriş va iqtidorli öquvçilarni qöllab-quvvatlaşga qaratilgan davlat siyosati samarasi deb baholadi. Prezident maktablari öquvçilarining xalqaro maydondagi yutuqlari esa şuni körsatmoqdaki, töğri şaroit va e’tibor yuqori natijaga olib keladi.
Manba: Ta'lim va ilm-fan vazirligi
