Prezident olimpiadasi yoş sportçilar uçun eng nufuzli musobaqalardan biriga aylanmoqda. Yaqinda Toşkentdagi Olimpiya şaharçasida ikkinçi Prezident olimpiadasining oçiliş marosimi bölib ötdi. Unda mamlakat hududlaridan 3500 dan ortiq yoş sportçi iştirok etmoqda, ular 26 ta olimpiya va paralimpiya sport turi böyiça bellaşadi. Sportçilarga 1,5 mingga yaqin murabbiy hamrohlik qilmoqda.

Ğoliblarga nima beriladi?

2027-yildan boşlab Prezident olimpiadasi ğoliblari va sovrindorlarining pul mukofotlari 2,5 barobarga oşiriladi. Birinçi örin uçun 25 million söm, ikkinçi örin uçun 12 million söm, uçinçi örin uçun 6 million söm beriladi. Bundan taşqari, ğoliblarga bir yil muddatga stipendiya tayinlanadi, ammo tölovlar miqdori hali aniqlanmagan.

Oliy ta’lim muassasalari ham imtiyozlar közda tutmoqda. Prezident olimpiadasida ğolib bölib, yangi Özbekiston rekordini örnatgan maktab bitiruvçilari oliy öquv yurtlarining sport yönalişlariga kiriş imtihonlarisiz va davlat granti asosida qabul qilinadi.

Yana nimalar rejalaştirilgan?

• har yili 50 nafar ğolib xalqaro öquv-maşğulot yiğinlarida iştirok etiş uçun xorijga yuboriladi;
• olimpiada dasturiga kiritilgan yönalişlar soni 26 tadan 35 tagaça oşiriladi;
• musobaqada 14 dan 17 yoşgaça bölgan öquvçilar qatnaşadi;
• eng yaxşi natija körsatgan sport maktablari zarur anjom va jihozlar bilan ta’minlanadi;
• Olimpiya şon-şuhrati muzeyi Şarof Raşidov şohköçasidan Olimpiya şaharçasiga köçiriladi.

Yutuqlar sarhisobi

Prezident sönggi ön yilda özbekistonlik sportçilarning xalqaro musobaqalardagi natijalari avvalgi önyillikka nisbatan uç barobar köpligini ma’lum qildi: 5518 ta medal, şu jumladan 1675 ta oltin. Osiyo öyinlarida jamoa 70 ta medal bilan beşinçi örinni egalladi, Paraosiyo öyinlarida esa 145 ta medal qölga kiritildi. Şuningdek, 2027-yilning sentabr-oktabr oylarida Özbekiston Ozarbayjon bilan birgalikda 20 yoşgaça yoşlar örtasidagi futbol böyiça jahon çempionatiga mezbonlik qiladi.

Manba: Gazeta.uz