Özbekistonda ta’lim taşkilotlarini davlat akkreditatsiyasidan ötkaziş uçun belgilangan bazaviy yiğim miqdorini 4 baravar kamaytiriş imkoniyati yaratildi. Bu haqda Adliya vazirligi xabar berdi.

Vazirlik ta’lim taşkilotlarini kompleks va maxsus davlat akkreditatsiyasidan ötkaziş yiğimlari hamda ularni hisoblaş tartibiga qöşimça kiritişni nazarda tutuvçi hujjatni davlat röyxatidan ötkazdi. Tegişli idoraviy hujjat 2026-yil 31-oktyabrda 3739-1-son bilan röyxatga olingan.

Yangi tartibga köra, ta’lim taşkilotining murojaati asosida quyidagi şartlardan biri mavjud bölganda yiğim kamaytirilişi mumkin:

• Prezident, Prezident administratsiyasi rahbari yoki Vazirlar Mahkamasi hujjatlarida belgilangan topşiriqlarni bajariş uçun dasturlarni akkreditatsiyadan ötkaziş zarur bölganda;
• taşkilotdagi amaldagi dasturlarning kamida 50 foizi Özbekistonda tan olinadigan akkreditatsiya taşkilotlari reyestriga kiritilgan taşkilotlar tomonidan akkreditatsiyadan ötkazilgan bölib, bu baholaş işlari hajmini qisqartirsa;
• maxsus davlat akkreditatsiyasi masofaviy şaklda ötkazilsa yoki bir vaqtning özida 10 ta va undan ortiq ta’lim dasturi uçun murojaat qilinsa.

Şuningdek, turdoş ta’lim dasturlarini akkreditatsiyadan ötkazişda umumiy moddiy-texnika, kadrlar yoki boşqa infratuzilmani takroran baholaş talab etilmasa, işlar hajmi qisqargani uçun ham bazaviy yiğimni kamaytirişga ruxsat beriladi.

Bu özgariş ta’lim taşkilotlarining akkreditatsiya xarajatlarini kamaytirişga qaratilgan. Amalda qöllaniş tartibi esa yuqoridagi şartlarga boğliq böladi.

Manba: Daryo.uz