Hodimlarning mehnat ta’tili puli o‘rtacha oylik ish haqidan kelib chiqib hisoblanadi. Shu sababli, o‘rtacha ish haqi hisoblanadigan davrdan ba’zi vaqtlar va shu vaqtda hisoblangan summalar chiqarib tashlanadi.

Mehnat kodeksining 257-moddasiga muvofiq, quyidagi holatlar o‘rtacha ish haqi hisobidan chiqarib tashlanadi:

Qanday daromadlar va vaqtlar hisobga olinmaydi?

👉  O‘rtacha ish haqi saqlanib qolgan vaqtlar, agar bu vaqtda haqiqatda ish bajarilmagan bo‘lsa:

‒ Masalan: ta’til, xizmat safari, ish beruvchi tashabbusi bilan bo‘sh turish va h.k.

‒ ISTISNO: bolani ovqatlantirish uchun tanaffuslar (407-modda).

👉  Vaqtincha mehnatga layoqatsizlik nafaqasi olingan vaqtlar (ya’ni, tibbiy yo‘llanma bilan kasallik varaqasi berilgan kunlar).

👉 Homiladorlik va tug‘ish nafaqasi olingan vaqtlar (dekret ta’tili).

👉 Ishlab chiqarishdan tashqarida bo‘lgan bekor turish kunlari, agar bu ish beruvchi yoki xodimga bog‘liq bo‘lmagan holatlar tufayli bo‘lsa.

👉 399-moddaga muvofiq qo‘shimcha dam olish kunlari, (nogiron bolalar va bolalikdan nogiron shaxslarga qarash uchun beriladigan to‘lovli dam olish kunlari).

👉 Ishdan ozod etilgan boshqa holatlar,

‒ to‘liq yoki qisman ish haqi saqlanadigan,

‒ yoki umuman haq to‘lanmaydigan holatlar (masalan, ta’lim olish, ijtimoiy ta’til va h.k.).

Masalan, Ahmadov Azamat 12 oy davomida har oy 5 mln so‘m maosh olgan. Ammo 2 oy mobaynida u 1 oy kasallik varaqasi bilan dam oldi (mehnatga layoqatsizlik nafaqasi). U holda o‘rtacha ish haqini hisoblashda faqat 11 oylik ish haqi e’tiborga olinadi.