Ҳодимларнинг меҳнат таътили пули ўртача ойлик иш ҳақидан келиб чиқиб ҳисобланади. Шу сабабли, ўртача иш ҳақи ҳисобланадиган даврдан баъзи вақтлар ва шу вақтда ҳисобланган суммалар чиқариб ташланади.

Меҳнат кодексининг 257-моддасига мувофиқ, қуйидаги ҳолатлар ўртача иш ҳақи ҳисобидан чиқариб ташланади:

 Қандай даромадлар ва вақтлар ҳисобга олинмайди?

👉  Ўртача иш ҳақи сақланиб қолган вақтлар, агар бу вақтда ҳақиқатда иш бажарилмаган бўлса:

‒ Масалан: таътил, хизмат сафари, иш берувчи ташаббуси билан бўш туриш ва ҳ.к.

‒ ИСТИСНО: болани овқатлантириш учун танаффуслар (407-модда).

👉  Вақтинча меҳнатга лаёқатсизлик нафақаси олинган вақтлар (яъни, тиббий йўлланма билан касаллик варақаси берилган кунлар).

👉 Ҳомиладорлик ва туғиш нафақаси олинган вақтлар (декрет таътили).

👉 Ишлаб чиқаришдан ташқарида бўлган бекор туриш кунлари, агар бу иш берувчи ёки ходимга боғлиқ бўлмаган ҳолатлар туфайли бўлса.

👉 399-моддага мувофиқ қўшимча дам олиш кунлари, (ногирон болалар ва болаликдан ногирон шахсларга қараш учун бериладиган тўловли дам олиш кунлари).

👉 Ишдан озод этилган бошқа ҳолатлар,

‒ тўлиқ ёки қисман иш ҳақи сақланадиган,

‒ ёки умуман ҳақ тўланмайдиган ҳолатлар (масалан, таълим олиш, ижтимоий таътил ва ҳ.к.).

Масалан, Аҳмадов Азамат 12 ой давомида ҳар ой 5 млн сўм маош олган. Аммо 2 ой мобайнида у 1 ой касаллик варақаси билан дам олди (меҳнатга лаёқатсизлик нафақаси). У ҳолда ўртача иш ҳақини ҳисоблашда фақат 11 ойлик иш ҳақи эътиборга олинади.