Universitet Vazirlar Mahkamasining 2020-yil 23-iyundagi 404-son qaroriga asosan tashkil etilgan. Bugungi kunda davlat ro‘yxatidan o‘tgan va qonuniy litsenziyaga ega xususiy oliy ta’lim muassasassidir. Axborot texnologiyalari, biznes va ta’lim sohasidagi mutaxassislarning bilim sifatini oshirish va amaliy kasbiy ko‘nikmalarini rivojlantirish zarurati bilan ushbu universitet tashkil etilgan.

  Universitet umumiy maydoni   2,8439 gektar bo‘lib, shundan o‘quv bino va inshoatlar  maydoni 5981 kv.m, o‘quv auditoriyalarning umumiy maydoni 2286 kv.m, universitet hududidagi dekorativ va mevali daraxtlar maydoni 1100 kv.m, kutubxona va o‘quv zali  uchun 295 kv.m ajratilgan.   

   TIUE universitetida hozirda 1049 nafar talabalar tahsil oladi. Universitet  bakalavriat va magistratura mutaxassisliklari bo‘yicha quyidagi yo‘nalishlarda mutaxassislar tayyorlaydi:

Bakalavriat:

Kunduzgi ta’lim shakli:

• Xalqaro ta’lim dasturlari;
• Amaliy matematika;
• Filologiya tillarni o‘qitish;
• Ta’lim va ta’lim jarayonlarini boshqarish;
• Axborot texnologiyalari;
• Kiberxavfsizlik;
• Biznesni boshqaruvi;
• Buxgalteriya hisobi va biznes.

Sirtqi ta’lim shakli

• Axborot texnologiyalari;
• Kiberxavfsizlik;
• Biznes boshqaruvi;
• Buxgalteriya hisobi va biznes.

Magistratura

• Pedagogika nazariyasi va tarixi;
• Ta’lim muassasalari boshqaruvi;
• Ta’lim boshqaruvi va yetakchilik;
• Ma’lumotlar Ilmi (Data Science);
• Buxgalteriya hisobi va moliya.

   Bugungi kunda universitetda 57 nafar professor-o‘qituvchilar ta’lim beridilar, jumladan, 5 nafar fan doktorlari (DSc), 14 nafar fan nomzodlari (PhD), 38 nafar mustaqil tadqiqotchilar hamda ilmiy darajaga yoki ilmiy unvonga ega bo‘lgan o‘qituvchilardir.

    Oliy ta’lim muassasasida zamonaviy talablarga mos ravishda jihozlangan  o‘quv auditoriyalari bilan birga barcha qulayliklarga ega ma’ruzalar xonalari, keng va shinam konferensiyalar zali, oshxona va tibbiyot xonalari ham faoliyat olib boradi. Ta’lim jarayonlari o‘zbek, rus va ingliz tillarida olib boriladi.

      TIUE xalqaro universiteti OTHM tashkiloti (Buyuk Britaniya), Portsmut universiteti (Buyuk Britaniya), USM universiteti (Malayziya), INTI xalqaro universiteti (Malayziya), Toshkentdagi Inha universiteti (IUT), Dongshin universiteti (Koreya Respublikasi), MDIS universiteti (Singapur), Amity universiteti (Hindiston) kabi nufuzli oliy ta’lim muassasalari bilan samarali hamkorlikni yo‘lga qo‘ygan.         

   OTHM diplomiga ega bo‘lgan talabalar Buyuk Britaniyaning turli universitetlarida tegishli bakalavriat va magistratura dasturlarida o‘qishni davom ettirish imkoniga ega bo‘ladilar.

     Universitetda 60 o‘ringa mo‘ljallangan talabalar turar joyi mavjud.

Talabalar turar joyiga joylashish tartibi:

• Yotoqxonaga joylashish uchun Talabalar va yoshlarni qo‘llab-quvvatlash bo‘limiga ariza topshirish.
• Bo‘lim tomonidan so‘ralgan barcha kerakli hujjatlarni taqdim etish.
• Talabaga yotoqxona shartnomasida ko‘rsatilgan to‘lov to‘liq amalga oshirilganidan so‘ng yotoqxonadan joy ajratiladi.
• Talaba yotoqxonada yashash paytida o‘z hayoti va sog‘lig‘i uchun to‘liq javobgarlikni o‘z zimmasiga oladi.
• Talaba yotoqxonada qolish paytida oylik to‘lovni o‘z vaqtida to‘lashga shaxsan mas’ul hisoblanadi.

   Universitetda talabalar uyushmasi tomonidan turli akademik klublar, sport jamoalari, teatr guruhlari, musiqa guruhlari tashkil etilgan.     Shuningdek, universitet axborot resurs markazi - bir qator ta’lim resurslarini qamrab olgan. ARM internet tarmog‘iga ulangan kompyuterlar, nusxa ko‘chirish moslamasi va printerlar, onlayn ma’lumotlar bazalari va talabalar uchun elektron kutubxona tizimi bilan jihozlangan. Axborot-resurs markazining bugungi kundagi fondi quyidagicha:

• Darsliklar – 5673 ta;
• O‘quv qo‘llanmalar – 344 ta;
• Laboratoriya ishlari va kurs loyihalari uchun metodik qo‘llanmalar – 164 ta;
•  Elektron darslik va boshqa o‘quv materiallari – 3944 ta;
•  Badiiy adabiyotlar – 3976 ta. 

  Universitet hozirda ta’limni boshqarish tizimi sifatida lms.tiue.uz ta’lim platformasidan foydalanmoqda. Ushbu platforma quyidagilar uchun ishlatiladi:

• talabalar davomatini aniqlash;
• darslar jadvalini е’lon qilish;
• modullar bo‘yicha o‘quv materiallari va ta’lim kontentini joylashtirish (masalan, kitoblar, slaydlar, eslatmalar, ish varaqlari, viktorinalar va boshqalar);
• uy vazifalari, oraliq imtihonlar, kurs topshiriqlarini va hokazolarni e’lon qilish
• muhim ma’lumotlar, e’lonlar, shaxsiy xabarlarni yuborish va o‘qituvchilarning fikr-mulohazalarini joylashtirish;
• moliyaviy qarz va to‘lov holatini e’lon qilish;
• baholarni e’lon qilish;

va boshqalar.

   Toshkent xalqaro ta’lim universiteti quyidagi ijtimoiy tarmoqlarda faol faoliyat olib boradi:

• Instagram
• Telegram
• Facebook
• You tube
• Linkideen

   Bundan tashqari, talabalar istalgan vaqtda rektor@tiue.uz, Feedback@tiue.uz yoki ssd@tiue.uz elektron pochta manzili o‘rqali o‘z fikr-mulohazalarini qoldirishlari mumkin.

    Mazkur universitet yuzasidan sizda savol va takliflar tug‘ilgan bo‘lsa, quyidagi manzilga va raqamlarga murojaat qilishingiz mumkin: 

• Telefon: (+998) 55 512 2020
• Elektron pochta: info@tiue.uz
• Manzil: O‘zbekiston, Toshkent, Yashnobod tumani, Imom Buxoriy ko‘chasi, Tuzel-2 blok.
• Transport: Avtobus: №30,44,95,106,110,148.
• Mikroaftobus: №47,91,106,111,369 Metro: Bekat-3.

   Bizni kuzatishda davom eting Ta’lim telekanali ta’limdagi eng so‘nggi yangiliklarni har doim siz bilan bo‘lishishga tayyor!

                                                        Ma’mura To‘rayeva tayyorladi