Бухоро табиий ресурсларни бошқариш институти

Орқага

Олийгоҳлар 20/04/2025 Бухоро табиий ресурсларни бошқариш институти

“Тошкент ирригация ва қишлоқ хўжалигини механизатсиялаш муҳандислари институти” миллий тадқиқот университетининг Бухоро табиий ресурсларни бошқариш институти дастлаб Ўзбекистон Республикаси Вазирлар Маҳкамасининг 2010- йил 20- августдаги 182-сонли қарори асосида "Тошкент ирригация ва мелиорация институтининг Бухоро филиали" номи билан ташкил этилган.

Ўзбекистон Республикаси Президентининг 2021 йил 10 декабрдаги “Иқтисодиёт тармоқлари учун муҳандис кадрларни тайёрлаш тизимини инновация ва рақамлаштириш асосида тубдан такомиллаштириш чора-тадбирлари тўғрисида”ги ПҚ-42 сон қарори 8-бандига мувофиқ “ТИҚХММИ” миллий тадқиқот университети негизида Бухоро табиий ресурсларни бошқариш институтига айлантирилган.

“ТИҚХММИ” МТУ нинг Бухоро табиий ресурсларни бошқариш институти – қишлоқ ва сув хўжалиги соҳаларида етук рақобатбардош олий маълумотли мутахассис кадрларни тайёрловчи, ўқув, илмий ва маънавий-маърифий фаолиятида кўзга кўринарли муваффақиятларга эришган, салоҳиятли ва динамик ривожланаётган минтақавий олий таълим муассасаси ҳисобланади.

Институтда ҳозирги пайтда жами 190 нафар нафар профессор-ўқитувчилар асосий штатда фаолият кўрсатиб келишмоқда. Шулардан 61 нафари илмий салоҳиятга эга ўқитувчилар бўлиб, 9 нафари фан доктори ва профессорлар, 52 нафари фалсафа доктори, фан номзодлари ва доцентлардан ташкил топган.

Ҳозирги кунга қадар институт томонидан 2600 нафардан ортиқ мутахассис кадрлар тайёрлаб берди. Институтда ҳозирги кунда 3 та факультет, 10 та кафедра, 19 та бакалавр йўналиши, 14 та магистратура мутахассислиги ҳамда 5 та ихтисослик бўйича юксак салоҳиятга эга кадрлар тайёрлаш йўлга қўйилган бўлиб, жами талаблар сони 3910 нафарни ташкил этиб, шундан 41 нафар талаба магистратура мутахассислигида таҳсил олмоқда.

Факультетлар:

1. Гидромелиорация;
2. Табиий ресурслар муҳандислиги;
3. Ер ресурсларини бошқариш ва экология.

Бакалавриат таълим йўналишлари:

1. Сув хўжалиги ва мелиорация;
2 . Гидротехника иншоотлари ва насос станцияларидан фойдаланиш;
3. Гидротехника қурилиши (сув хўжалигида);
4. Сув таъминоти муҳандислик тизимлари;
5. Сув хўжалиги мелиорация ишларини механизациялаштириш;
6. Қишлоқ хўжалигини механизациялаштириш;
7. Электр энергетикаси(тармоқлар ва йўналишлар бўйича);
8. Ер кадастри ва ер тузиш;
9. Геодезия ва геоинформатика;
10. Технологик жараёнлар ва ишлаб чиқаришни автоматлаштириш ва бошқариш(тармоқлар бўйича);
11. Мелиоратив гидрогеология;
12. Гидрология(Дарё ва сув омборлари гидрологияси);
13. Экология ва атроф-муҳит муҳофазаси (тармоқлар ва соҳалар бўйича);
14. Иқтисодиёт (тармоқлар ва соҳалар бўйича);
15. Муқобил энергия манбалари (турлари бўйича);
16. Қишлоқ хўжалигида инновацион техника ва технологияларни қўллаш;
17. Тупроқ бонитировкаси ва ер ресурсларидан фойдаланиш;
18. Иқтисодиёт (тармоқлар ва йўналишлар бўйича);
19. Кадастр.

Магистратура мутахассиликлари:

1. Атроф-муҳит муҳофазаси (тармоқлар ва соҳалар бўйича);
2. Технологик жараёнлар ва ишлаб чиқаришни автоматлаштириш (тармоқлар бўйича);
3. Гидротехника иншоотлари (иншоотлар тури бўйича);
4. Қишлоқ ва сув хўжалигида энергия таъминоти;
5. Ер ресурсларидан фойдаланиш ва бошқариш;
6. Мелиорация ва суғорма деҳқончилик;
7. Гидромелиорация тизимларидан фойдаланиш;
8. Сувтежамкор суғориш технологиялари;
9. Сув ресурсларидан мукаммал фойдаланиш ва бошқариш;
10. Яйловлар мелиорацияси;
11. Гидромелиорация ишларини механизациялаштириш;
12. Мелиорация қурилиши машиналари ва жиҳозлари (турлари бўйича);
13. Гидротехника иншоотларидан фойдаланиш, уларнинг ишончлилиги ва хавфсизлиги;
14. Насос станциялари ва қурилмаларидан фойдаланиш ва ташхиси.

Докторантура ихтисосликлари:

1. Мелиорация ва суғорма деҳқончилик;
2. Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизатсиялаш;
3. Ер тузиш, ер кадастри ва ер мониторинг;
4. Гидравлика ва муҳандислик гидрологияси;
5. Технологик жараёнлар ва ишлаб чиқаришни автоматлаштириш ва бошқарув.

Ҳозирги кунда институтдаги 400 ўринли маданият саройи, 2 та ёпиқ спорт мажмуаси, 2 та ўқув бино, лаборатория мажмуаси, технопарк кампуси, ўқув илмий марказ, ахборот ресурс маркази, ахборот технологиялари маркази, замонавий усулда жиҳозланган ва барпо этилган “Сувчилар мактаби” талабаларни чуқур билим олишига хизмат қилмоқда.

Институт ахборот-ресурс марказининг умумий фонди 3493 номда ва 21237 нусхадаги адабиётлардан иборат. Жумладан, 624 номда 8135 нусхада дарслик, 651 номда 3112 нусхадаги ўқув қўлланма, 317 номда ва 330 нусхадаги илмий адабиёт, 1034 номда ва 1158 нусхадаги бадиий адабиёт, 11744 номда ва 11744 нусхада электрон адабиётлар ҳамда 857 номда ва 8502 нусхадаги бошқа адабиётларни ташкил этади.

Бугунги кунда институт ҳудудида 3 та талабалар турар жойи мавжуд бўлиб, 400 ўринга мўлжалланган бўлиб, ҳозирда 570 нафар талабалар истиқомат қилмоқда. 2024- йил сентябрда яна 400 ўринли ётоқхона қурилиши тугалланган.

Қисқа давр мобайнида институт дунёнинг 25 дан ортиқ ривожланган олий таълим муассасалари ва илмий тадқиқот муассасалари билан ҳамкорликда фаолият олиб бормоқда Бир қатор нуфузли хорижий таълим муассасалари билан ҳамкорлик шартномалари имзоланган.

Бухоро табиий ресурсларни бошқариш институти қуйидаги ижтимоий тармоқларда фаол фаолият олиб боради:

Мазкур университет юзасидан сизда савол ва таклифлар туғилган бўлса, қуйидаги манзилга ва рақамларга мурожаат қилишингиз мумкин:

Манзил: «Шербудин» Савдо мажмуаси. Транспортлар: 72, 236-автобуслар йўналиш таксилари. Бухоро шаҳри, Газли шоҳ кўчаси 32-уй
Телефон: +998 (65) 228-94-24
Факс: 0(365) 228-94-24
Email: tiimbfuz@umail.uz