“Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universitetining Buxoro tabiiy resurslarni boshqarish instituti dastlab O‘zbekiston Respublikasi Vazirlar Mahkamasining 2010- yil 20- avgustdagi 182-sonli qarori asosida "Toshkent irrigatsiya va melioratsiya institutining Buxoro filiali" nomi bilan tashkil etilgan.

    O‘zbekiston Respublikasi Prezidentining 2021-yil 10-dekabrdagi “Iqtisodiyot tarmoqlari uchun muhandis kadrlarni tayyorlash tizimini innovatsiya va raqamlashtirish asosida tubdan takomillashtirish chora-tadbirlari to‘g‘risida”gi   PQ-42 son qarori 8-bandiga muvofiq “TIQXMMI” milliy tadqiqot universiteti negizida Buxoro tabiiy resurslarni boshqarish institutiga aylantirilgan.

   “TIQXMMI” MTU ning Buxoro tabiiy resurslarni boshqarish instituti – qishloq va suv xo‘jaligi sohalarida yetuk raqobatbardosh oliy ma’lumotli mutaxassis kadrlarni tayyorlovchi, o‘quv, ilmiy va ma’naviy-ma’rifiy faoliyatida ko‘zga ko‘rinarli muvaffaqiyatlarga erishgan, salohiyatli va dinamik rivojlanayotgan mintaqaviy oliy ta’lim muassasasi hisoblanadi.

   Institutda hozirgi paytda  jami 190 nafar nafar professor-o‘qituvchilar asosiy shtatda faoliyat ko‘rsatib kelishmoqda. Shulardan 61 nafari ilmiy salohiyatga ega o‘qituvchilar bo‘lib, 9 nafari fan doktori va professorlar, 52 nafari falsafa doktori, fan nomzodlari va dotsentlardan tashkil topgan.

   Hozirgi kunga qadar institut tomonidan 2600 nafardan ortiq mutaxassis kadrlar tayyorlab berdi. Institutda hozirgi kunda 3 ta fakultet, 10 ta kafedra, 19 ta bakalavr yo‘nalishi, 14 ta magistratura mutaxassisligi hamda 5 ta ixtisoslik bo‘yicha yuksak salohiyatga ega kadrlar tayyorlash yo‘lga qo‘yilgan bo‘lib, jami talablar soni 3910 nafarni tashkil etib, shundan  41 nafar talaba magistratura mutaxassisligida tahsil olmoqda.

Fakultetlar:

• 1. Gidromelioratsiya;
• 2. Tabiiy resurslar muhandisligi;
• 3. Yer resurslarini boshqarish va ekologiya.

Bakalavriat ta’lim yo‘nalishlari:

• 1. Suv xo‘jaligi va melioratsiya;
• 2 . Gidrotexnika inshootlari va nasos stansiyalaridan foydalanish;
• 3. Gidrotexnika qurilishi (suv xo‘jaligida);
• 4. Suv ta’minoti muhandislik tizimlari;
• 5. Suv xo‘jaligi melioratsiya ishlarini mexanizatsiyalashtirish;
• 6. Qishloq xo‘jaligini mexanizatsiyalashtirish;
• 7. Elektr energetikasi(tarmoqlar va yo‘nalishlar bo‘yicha);
• 8. Yer kadastri va yer tuzish;
• 9. Geodeziya va geoinformatika;
• 10. Texnologik jarayonlar va ishlab chiqarishni avtomatlashtirish va boshqarish(tarmoqlar bo‘yicha);
• 11. Meliorativ gidrogeologiya;
• 12. Gidrologiya(Daryo va suv omborlari gidrologiyasi);
• 13. Ekologiya va atrof-muhit muhofazasi (tarmoqlar va sohalar bo‘yicha);
• 14. Iqtisodiyot (tarmoqlar va sohalar bo‘yicha);
• 15. Muqobil energiya manbalari (turlari bo‘yicha);
• 16. Qishloq xo‘jaligida innovatsion texnika va texnologiyalarni qo‘llash;
• 17. Tuproq bonitirovkasi va yer resurslaridan foydalanish;
• 18. Iqtisodiyot (tarmoqlar va yo‘nalishlar bo‘yicha);
• 19. Kadastr.

Magistratura mutaxassiliklari:

• 1. Аtrof-muhit muhofazasi (tarmoqlar va sohalar bo‘yicha);
• 2. Texnologik jarayonlar va ishlab chiqarishni avtomatlashtirish (tarmoqlar bo‘yicha);
• 3. Gidrotexnika inshootlari (inshootlar turi bo‘yicha);
• 4. Qishloq va suv xo‘jaligida energiya ta’minoti;
• 5. Yer resurslaridan foydalanish va boshqarish;
• 6. Melioratsiya va sug‘orma dehqonchilik;
• 7. Gidromelioratsiya tizimlaridan foydalanish;
• 8. Suvtejamkor sug‘orish texnologiyalari;
• 9. Suv resurslaridan mukammal foydalanish va boshqarish;
• 10. Yaylovlar melioratsiyasi;
• 11. Gidromelioratsiya ishlarini mexanizatsiyalashtirish;
• 12. Melioratsiya qurilishi mashinalari va jihozlari (turlari bo‘yicha);
• 13. Gidrotexnika inshootlaridan foydalanish, ularning ishonchliligi va xavfsizligi;
• 14. Nasos stansiyalari va qurilmalaridan foydalanish va tashxisi.

    Doktorantura ixtisosliklari:

• 1. Melioratsiya va sug‘orma dehqonchilik;
• 2. Qishloq xo‘jaligi va melioratsiya mashinalari. Qishloq xo‘jaligi va melioratsiya ishlarini mexanizatsiyalash;
• 3. Yer tuzish, yer kadastri va yer monitoring;
• 4. Gidravlika va muhandislik gidrologiyasi;
• 5. Texnologik jarayonlar va ishlab chiqarishni avtomatlashtirish va boshqaruv.

    Hozirgi kunda institutdagi 400 o‘rinli madaniyat saroyi, 2 ta yopiq sport majmuasi, 2 ta o‘quv bino, laboratoriya majmuasi, texnopark kampusi,   o‘quv ilmiy markaz, axborot resurs markazi, axborot texnologiyalari markazi,  zamonaviy usulda jihozlangan va barpo etilgan “Suvchilar maktabi” talabalarni chuqur bilim olishiga xizmat qilmoqda.

    Institut axborot-resurs markazining umumiy fondi 3493 nomda va 21237 nusxadagi adabiyotlardan iborat. Jumladan, 624 nomda 8135 nusxada darslik, 651 nomda 3112 nusxadagi o‘quv qo‘llanma, 317 nomda va 330 nusxadagi ilmiy adabiyot, 1034 nomda va 1158 nusxadagi badiiy adabiyot, 11744 nomda va 11744 nusxada elektron adabiyotlar hamda 857 nomda va 8502 nusxadagi boshqa adabiyotlarni tashkil etadi.

   Bugungi kunda institut hududida 3 ta talabalar turar joyi mavjud bo‘lib, 400 o‘ringa mo‘ljallangan  bo‘lib, hozirda 570 nafar talabalar istiqomat qilmoqda. 2024- yil sentyabrda yana 400 o‘rinli yotoqxona qurilishi tugallangan.

    Qisqa davr mobaynida institut dunyoning 25 dan ortiq rivojlangan oliy ta’lim muassasalari va ilmiy tadqiqot muassasalari bilan hamkorlikda faoliyat olib bormoqda Bir qator nufuzli xorijiy ta’lim muassasalari bilan hamkorlik shartnomalari imzolangan.

  Buxoro tabiiy resurslarni boshqarish instituti quyidagi ijtimoiy tarmoqlarda faol faoliyat olib boradi:

•  Telegram
•  Twitter
•  Facebook
•  YouTube 

  Mazkur universitet yuzasidan sizda savol va takliflar tug‘ilgan bo‘lsa, quyidagi manzilga va raqamlarga murojaat qilishingiz mumkin:

• Manzil: «Sherbudin» Savdo majmuasi. Transportlar: 72, 236-avtobuslar yo‘nalish taksilari. Buxoro shahri, Gazli shoh ko‘chasi 32-uy
• Telefon: +998 (65) 228-94-24
• Faks: 0(365) 228-94-24
• Email: tiimbfuz@umail.uz 

   Bizni kuzatishda davom eting Ta’lim telekanali ta’limdagi eng so‘nggi yangiliklarni har doim siz bilan bo‘lishishga tayyor!  

Ma’mura To‘rayeva tayyorladi