Иш ставкаси меҳнат шартлари тоифасига киради. 

Меҳнат кодексининг 134-моддасига асосан меҳнат шартлари деганда иш берувчи билан тузилган меҳнат шартномасига мувофиқ ходимнинг меҳнат фаолияти амалга ошириладиган ижтимоий ва ишлаб чиқариш омилларининг мажмуи тушунилади.

• Ижтимоий омиллар жумласига меҳнатга ҳақ тўлаш миқдори, иш вақтининг, таътилнинг давомийлиги ва бошқа шартлар киради.
• Ишлаб чиқариш омиллари жумласига техника, санитария, гигиенага оид, ишлаб чиқариш-маиший ва бошқа шартлар киради. 

Бунда ушбу кодекс 135-моддасига асосан меҳнат шартлари меҳнат тўғрисидаги қонунчиликда, меҳнат ҳақидаги бошқа ҳуқуқий ҳужжатларда, шунингдек меҳнат шартномаси тарафларининг келишувида белгиланади. 

Мана шу қоидага кўра иш берувчи ҳам иш ҳақи билан боғлиқ шартни бир томонлама ўзгартириши мумкин бўлмайди.

Бу ҳолатда туман адлия бўлимига мурожаат қилишингиз керак.