Aгар талаба олий таълим муассасасида (ОТМ) ўқишини давом эттира олмаса, тўланган контракт пулини қисман қайтариб олиш имконияти мавжуд. Ўзбекистон Республикаси Фуқаролик кодексининг тегишли моддалари бу ҳолатни қуйидагича тушунтиради:

Қонунчиликда белгиланган асослар

703-моддага кўра, ОТМ ва талаба ўртасидаги таълим шартномаси ҳақ эвазига хизмат кўрсатиш шартномаси ҳисобланади. Талаба буюртмачи сифатида таълим хизматларини олиш учун шартнома тузади ва контракт пулини тўлайди.

707-моддада буюртмачи (талаба) хизматлар баҳосини тўлиқ тўлаган ҳолда хизмат кўрсатиш шартномасини бекор қилишга ҳақли эканлиги белгиланган. Шу тариқа, талаба шартномани бекор қилишни талаб қилиши мумкин.

705-модда эса ижрочи (университет) хизматни кўрсата олмаган тақдирда буюртмачи шартнома суммасининг хизмат учун сарфланган харажатларни чегириб, қолган қисмини қайтаришини назарда тутади.

ОТМ харажатларини ушлаб қолиш

Ушбу ҳуқуқий асосга биноан, агар талаба шартномани бекор қилса, университет сарфлаган харажатларни чегириб, қолган маблағни қайтариши мумкин. Шартнома бекор қилинганда, қуйидагилар ушлаб қолиниши мумкин:

Таълим учун сарфланган харажатлар;

Университет томонидан хизмат кўрсатилишидан келиб чиқадиган бошқа бевосита харажатлар.

Қайтариш жараёнида юзага келиши мумкин бўлган муаммолар

Агар университет контракт пулининг қолган қисмини қайтаришдан бош тортса, талаба қуйидаги ташкилотларга мурожаат қилиши мумкин:

Рақобатни ривожлантириш ва истеъмолчилар ҳуқуқларини ҳимоя қилиш қўмитаси

Ишонч телефони: 1159

Ягона рақам: 71-207-46-00

Фуқаролик суди орқали шартнома суммасини қисман ёки тўлиқ қайтариш ҳамда кўрилган зарарни ундириш бўйича даъво аризаси билан мурожаат қилиш.

Хулоса

Талаба шартномани бекор қилган тақдирда, тўланган контракт пулининг университет сарфлаган харажатлари ушлаб қолинган қисмини қайтариб олиш имконияти мавжуд. Агар ушбу жараён давомида муаммо юзага келса, талабгор Рақобат қўмитасига ёки фуқаролик судига мурожаат қилиши тавсия этилади.