2025 йил 21 февраль куни ТДШУ ва Бангладеш Халқ Республикасининг Ўзбекистондаги элчихонаси ҳамкорлигида “Халқаро она тили” куни муносабати билан тантанали тадбир ташкил этилди.

   Тадбир ТДШУ ректори Гулчеҳра Рихсиева ва Бангладеш Халқ Республикасининг фавқулодда ва мухтор элчиси Муҳаммад Монирул Исломнинг кириш сўзлари билан очилди. Улар тил ва маданиятнинг жамият тараққиётидаги аҳамиятига тўхталиб, она тилини асраш ва ривожлантириш йўлида халқаро ҳамкорликнинг муҳимлигини таъкидладилар.

   Шунингдек, тадбирда вазирлик ва халқаро ташкилот вакиллари ҳам иштирок этди. Талабаларнинг ўзбек ва шарқ тилларидаги чиқишлари ҳамда миллий чолғу дутор жўрлигида хорижлик талабаларнинг ижроси тадбирга ўзгача руҳ бағишлади. Якунда Бангладеш миллий рақси ҳам ижро этилди.