2024-yil 5-iyun kuni Vazirlar Mahkamasining 320-sonli qaroriga muvofiq, akademik litseylarga abituriyentlardan hujjat qabul qilish jarayoni har yili 10-iyundan boshlanadi.

Hujjat topshirish tartibi

Abituriyentlar hujjatlarini my.edu.uz platformasi orqali onlayn shaklda topshiradilar. Ro‘yxatdan o‘tish jarayonida quyidagi hujjatlar elektron formatda (PDF yoki JPEG ko‘rinishida) tizimga yuklanishi lozim:

3,5×4,5 sm o‘lchamdagi 1 dona rangli fotosurat;

Agar mavjud bo‘lsa: fan olimpiadasi g‘olibligi haqida diplom, milliy yoki xalqaro sertifikatlar (chet tili yoki umumta’lim fanlari bo‘yicha).

Shuningdek, tizimga abituriyentning ID kartasi yoki tug‘ilganlik haqida guvohnomasi ma’lumotlari ham kiritilishi talab etiladi.

Tanlov va test sinovlari

Ro‘yxatdan o‘tishda abituriyent quyidagilarni belgilaydi:

Ta’lim tili bir xil bo‘lishi sharti bilan, uchtagacha akademik litseyning bittadan mos yo‘nalishini tanlaydi;

Kiruvchi chet tilini (test topshiriladigan fan) belgilaydi.

Abituriyentlar test sinovlarida o‘zlari tanlagan hududda ishtirok etadilar.

Muhim sanalar

Hujjat topshirish jarayoni 2024-yil 10-iyundan 10-iyulga qadar (shu kuni ham) davom etadi.

Qo‘shimcha ma’lumot

Qabul jarayonlariga oid batafsil ma’lumotni akademik litseylarda tashkil etilgan call-markazlar orqali olishingiz mumkin.

Eslatma: Toshkent davlat yuridik universiteti huzuridagi akademik litseyga hujjatlar https://litsey.uzbmb.uz sayti orqali qabul qilinadi.